Повраќањето е нагон на присилно исфрлање на содржината од желудникот. Може да се случи еднаш поради внесување на некоја храна, но честото повраќање, сепак, е знак за посериозна здравствена состојба. Може да доведе до дехидрација и хронични состојби доколку не се лекува.
Причини за повраќање
Повраќањето е сосема нормална појава. Причините можат да бидат многу едноставни како што е преголем внес на храна или премногу алкохол. Тоа не е самостојна состојба, туку е симптом на други состојби и болести како што се:
- труење со храна;
- инфекции;
- бременост;
- главоболка;
- лекови;
- анестезија;
- хемотерапија;
- Кронова болест;
- дигестивни нарушувања;
- патувачка болест.
Ако повраќањето не е поврзано со некоја од овие состојби, причината може да биде циклично нарушување на повраќањето. Оваа состојба се карактеризира со континуирано повраќање и до 10 дена. Доаѓа во комбинација со мачнина, вртоглавица и недостаток на енергија. Главно ги погодува децата на возраст околу 5 години, според Светската здравствена организација, а се јавува кај 3 од 100 000 деца. Предизвикува епизоди на повраќање неколку пати во текот на целата година и ако не се лекува, може да ги има следните последици:
- дехидрација,
- кариес,
- езофагитис.
Кога треба да се реагира?
Иако повраќањето е вообичаен симптом на некои состојби, понекогаш е и знак дека ви е потребна итна медицинска помош. На лекар треба да се обрати лице кое:
- Повраќа повеќе од еден ден;
- Се сомнева на труење со храна;
- Има сериозни главоболки и болки во вратот;
- Има силни абдоминални болки;
- Крв во исфрлената содржина е знак дека веднаш ви треба медицинска помош. Повраќањето крв се нарекува хематемеза, а симптомите се:
- Повраќање на големи количества крв,
- Плукање темна крв,
- Искашлување работи кои изгледаат како зрно кафе.
Ова главно се случува кај чиреви или некои видови на рак, а е придружено со вртоглавица.
Компликации по повраќањето
Дехидрацијата е најчестата компликација затоа што не исфрлате само храна, туку и течности. Дехидрацијата предизвикува:
- Сува уста;
- Вртоглавици;
- Темна боја на урината;
- Намалено мокрење;
- Главоболки;
- Изгубеност.
Најчесто ги зафаќа бебињата и децата бидејќи имаат помала телесна маса, а и помалку течности.
Лекување
Лекувањето не е секогаш потребно, но хидратацијата на телото е потребна. Се препорачува да пиете чисти течности затоа што содржат електролити кои обезбедуваат важни хранливи материи што телото ги губи кога се ослободува од содржината. Кога повраќате избегнувајте цврста храна, бидејќи го иритира желудникот.
Промената на храната е важна, а лекарите сугерираат:
- Немасна храна;
- Солени крекери;
- Производи со ѓумбир.
Превенција
За да го сузбиете повраќањето, обидете се да промените некои навики. Најчести причини се:
- Честа консумација на алкохол;
- Внесување на преголема количина на храна;
- Мигрена;
- Вежбање веднаш после оброците;
- Стрес;
- Лута и топла храна;
- Недостаток на спиење.
Со менување на начинот на живеење можете да ги намалите надворешните причини, но вирусите, за жал, не можете секогаш да ги избегнете, но не заборавајте на важноста на хигиената.
