Ова цитрусно овошје неправедно е запоставено и не се употребува често во нашата кујна. Меѓутоа, лиметата (зелен лимон) е исклучително здрава и содржи низа здравствени предности во однос на бројни други намирници, поради што би требало да ја внесете во исхраната.
Го подобрува варењето – Флавоноидите помагаат при смирувањето на желудочните проблеми и го подобруваат варењето. За да ја подобрите работата на цревата по оброкот испијте шолја топла вода со лимета и малку мед. Овој напиток ќе ви помогне и против запек.
Спречува создавање на камења во бубрегот – Сокот од лимета во себе содржи повеќе лимонска киселина од останатите цитруси, а познато е дека тоа е средство за превенција од камења во бубрезите. Најдобар е напиток од вода и свежа лимета без никакви додатоци.
Го намалува холестеролот – Истражувања покажале декка флавоноидот хесперидин пронајден во лиметата може да ги намали нивото на холестерол и триглицериди. На овој начин лиметата позитивно влијае на здравјето на срцето и крвните садови.
Го намалува ризикот од инфаркт – Понови студии покажале дека жените кои јадат големи количини на цитруси имаат 19% помал ризик од срцев удар предизвикан од згрутчување на крвта.
Штити од рак – Компонентата лимоноид, која ја има во лиметата, докажано силно влијае на превенцијата од рак на дебелото црево, желудникот, крвта и кожата. Научниците докажале дека овој антиоксидант ги убива и клетките на рак, а во крвта останува долго активен па ги неутрализира слободните радикали.
Го намалува шеќерот во крвта – Разни истражувања покажале дека лиметата е и одличен борец против дијабетесот. Високото ниво на растопиви влакна кои се наоѓаат во ова овошје го прават идеална прехранбена помош за регулирање на телесната апсорпција на шеќерот во крвотокот.
Ја подобрува работата на респираторниот систем – Маслата богати со флавоноиди од лиметата се користат за подготовки на различни лекови и спрејови против затнати дишни патишта. Вдишувањето изрендана кора од лимета може да помогне брзо да се исчистат синусите и дишните органи.
Сојузник на женското здравје – Ова овошје содржи калциум и фолати, нутриенти многу важни за жените кои ја поминале менопаузата и оние кои планираат бременост. Една лимета содржи 22мг калциум и повеќе од пет микрограми фолна киселина.
Ја штити кожата од стареење – Богат со витамин Ц, овој агрум е корисен и за очите, а се употребува и при крварење и чувствителност на непца. Сокот од лимета ублажува исип и чешање на кожата предизвикани од инфекција. Кората од лимета содржи состојка која спречува производство на меланин, пигмен кој на кожата и дава боја, а кој се наталожува низ годините при изложување на УВ зраци и создава темни дамки. За да избегнете хиперпигментација, едноставно масирајте ја кожата со кората од лиметата. На овој начин ќе го намалите и ризикот од рак на кожа.
Го забрзува метаболизмот и помага при слабеење – Мирисните масла кои ги содржи лиметата поттикнуваат варење, а чаша топла вода со сок од лимета помага при слабеење. Лимонската киселина од плодот одлично ги согорува мастите, а се препорачува и за дијабетичарите.
