Кога станува збор за бакнеж во образ или ракување, како дел од поздравувањето, што е „почисто„,, односно како помалку се пренесуваат бактерии? Еве одговор:
Јасно е дека со бакнеж во образот може да се пренесат многу бактерии, а истражувачите од Лондонското училиште за хигиена, велат дека најмалку ризичен начин е бакнеж во воздух, кој подразбира да не се допирате образ со образ. Меѓутоа, дури и така се приближувате блиску до нечиј нос или уста, а тоа се делови кои имаат многу бактерии.
„Кога броиме бактерии, го гледаме нивниот потенцијал за размножување. Во идеални услови, бројот на бактерии се дуплираат на секои 20 минути, па за 4-6 часа, на кожата може да имате повеќе од милион бактерии„ вели професорот по медицинска микробиологија д-р Вал Едвард-Џонс.
„За 24 часа може да бидат и неколку милијарди„, предупредува тој, истакнувајќи дека колку повеќе ги има, толку се поголеми шансите да стигнат во носот или во устата и да предизвикаат болест.
Меѓутоа, некои бактерии се толку силни што и не треба да ги има во голем број за да го нарушат здравјето. Некои истражувања предупредуваат дека е доволно меу 15 и 20 единици салмонела да предизвикаат инфекција.
Можеби претпоставувате дека е похигиенски некого да бакнете во образ, отколку да се ракувате, но и не е баш така.
При истражувањето, во лабораторија по поздравувањето со бакнеж во образот, кај волонтерките се пронајдени 480 единици бактерии.
„Тие организми речиси се безопасни, иако на нивните образи имало и стафилокока. Таа бактерија ја има во околу 35 отсто бакнежи, и тоа е најпатогена бактерија која може да ја има кај луѓето„, истакнуваат стручњаците.
Стафилококата може да се наоѓа на кожата и да не предизвикува никакви проблеми, но ако е блиску до некаква рана, може да предизвика многу болести, дури и менингитис или сепса.
Откако една волонтерка бакнала 15. луѓе во образ, намален е бројот на различни видови бактерии од пет на три – веројатно на некого од нив пренела стафилокока – но бројот на единици бактерии се дуплирал на 960.
А ракувањето?
На почеток на денот испитано е присуството на бактерии на шаката на волонтерка и утврдено е дека постојат 176 единици бактерии. Тоа е сосема безбедна количина, бидејќи и по миење на рацете или чистење со антибактериски гел, на рацете се уште може да има меѓу 100 и 200 единици бактерии.
По ракувањето со 15 луѓе, видовите на бактериите останале исти, но ги имало помалку за 48 единици.
„Понекогаш се случува дека бројот на единици бактерии се повисоки по миењето на рацете бидејќи бактериите не се наоѓаат само на површина на кожата, туку и под неа, така да ако го отстраните тој надворешен слој, изложени сте на поголем број бактерии. Секако, постои и шанса бактериите од рацете на волонтерката да се пренесат на други„, истакнува професорот Едвард Џоунс.
Истражувањето покажало дека со кивање, се ослбодуваат до 500 единици бактерии. Ако тој кивне во шака, а потоа се ракува со вас, може да ви ги пренесе тие бактерии.
