Иако се главно безопасни можат да бидат прилично непријатни заради подрачјето што го зафаќаат. Хемороидите најчесто се последица на долго седење или стоење, па се мошне раширени меѓу деловните луѓе кои поголемиот дел од денот го минуваат во канцеларија.
Симптомите се чешање и жарење на аналното подрачје
Факторите кои ја зголемуваат можноста за појава на хемороиди се гојазност, запек, напрегнување при празнење на цревата, хроничен пролив, бременост и кревање тежок товар. Специфичните симптоми на хемороидите тешко е да се занемарат. Чувствителното подрачје на анусот интензивно чеша, а можна е и појава на жарење и болка од различен интензитет. Појавата на светла крв и слуз во столицата е симптом кој обично сериозно ги загрижува заболените, особено ако крвавењето го следи чувство на јазолчиња внатре и околу аналниот отвор. Иако ни малку пријатни во здравствена смисла, не претставуваат голема опасност, освен што зачестеното и долготрајно крвавење може да предизвика анемија заради губење на железо.
Хигиената и правилната прехрана се клуч на превенцијата
Најдобриот пристап во борбата против хемороиди е превенцијата. При тоа со одбегнување на тежок товар и долготрајно седење или стоење, правилната прехрана е најдобар сојузник. Секако, на организмот е добро да му се осигурат доволно прехранбени влакна со внес на изобилство на интегрални житарки, овошје и зеленчук. Прехранбените влакна имаат способност за впивање вода и набабрување со што се зголемува волуменот на столицата, олеснувајќи го празнењето на цревата. Последично, се намалува притисокот во цревата, кој кога е зголемен, го овозможува создавањето на хемороидите. Со грижа за исхраната, неопходна е и редовната хигиена.
Пожелни намирници:
– Никулците, јаболката, крушите, репката, зелката, брокулата, мешунките и житарките треба да бидат дел од менито, со оглед на тоа дека изобилуваат со несварливи прехранбени влакна;
– Секој ден треба да се консумираат пет или повеќе оброци овошје и зеленчук;
– Секојдневно да се пијат големи количества вода, без оглед на чувството на жед;
– Ако хемороидите крвават потребно е да се консумираат намирници богати со витамин К како што е зелениот листест зеленчук, а ако крвавењето е обилно и долготрајно треба да се побара додаток во исхраната кој обезбедува железо.
Храна која е потребно да се избегнува:
- Црвено месо, месни преработки, процесирани производи и чоколадо. Треба да се одбегнува и кафе и алкохол, особено црвено вино;
- Секој ден треба да се изеде барем еден готвен оброк, дотолку подобро ако оброкот содржи и супа. Агресивните зачини како пиперот или црвената пиперка можат да ја влошат состојбата, па затоа треба да се одбегнуваат;
- Не треба да се изостави ниту секојдневната умерена теловежба.
