Кога се зборува за значењето на витаминот Ц главно се нагласува дека тој е битен за силен имунитет, дека помага во борбата против брчките и акните, како и против кардиоваскуларните болести, додека одделни истражувања укажуваат на тоа дека витаминот Ц би можел да го намали ризикот од одделни типови карцином. Поголем внес на витамин Ц, исто така, ги чува нашите мисловни способности и памтењето како што старееме.
Витаминот Ц делува како антиоксидант, а ги ублажува и воспаленијата и го намалува ризикот од хронични заболувања. Истражувањата направени кај луѓето и животните покажале дека овој витамин ги опушта крвните садови и на тој начин помага во регулирањето на крвниот притисок. Витаминот Ц, доколку се внесува во количество од 500 мг дневно, го намалува ризикот од кардиоваскуларни заболувања и со тоа ги намалува нивоата на ЛДЛ холестерол и триглицериди во крвта.
Исто така, една студија во која учествувале преку 45 000 испитаници во период од 20 години покажала дека личностите кои внесуваат доста витамин Ц имаат помал ризик од гихт. Имено, витаминот Ц ги намалува нивоата на мочна киселина во крвта.
Интересно е и дека витаминот Ц, исто така, ја подобрува апсорпцијата на железо од храната – само 100 мг од овој витамин ја зголемува апсорпцијата на железо за 67 проценти.
