Вистината е сепак дека никој не може да не усреќи освен ние самите. Или како што велат многу стрчни лица: Вистинската среќа доаѓа одвнатре. Ако размислувате позитивно и сте задоволни сами со себе, полесно ќе ја надминете нервозата и притисокот на секојдневието, а тоа е идеална основа за надградување на среќата.
ПРОМЕНЕТЕ ГО АГОЛОТ НА ГЛЕДАЊЕ
Многу често со своите постапки дополнително ја влошувате состојбата: не пропуштате ниту една вест од црна хроника, постојано се жалите на економската состојба и ги критикувате сите аспекти во животот. Мислите многу повеќе ви се насочени на тешкотии и неуспех, отколку на позитивните работи што ви се случуваат. Но, како што се менува начинот на исхрана, така можете да го смените и начинот на размислување. Секако, тоа изискува одлучност и концентрација. Не е едноставно веднаш да престанете со жалопојки и со песимизам, но трудот се исплати, оти носи многу добробит.
БЛАГОДАТИТЕ НА ПОЗИТИВНОТО РАЗМИСЛУВАЊЕ
Стручњаците велат дека мозокот на луѓето кои размислуваат позитивно лачи повеќе серотонин – хормон на среќа што обезбедува бонус на енергија, виталност и на здравје, истовремено јакнејќи ја психата. Кога веруваме дека разни животни предизвици ќе завршат позитивн за нас, автоматски себе си си поставуваме цел и вложуваме дополнителна сила да навидум лошите околности ги претвориме во добри. Бидејќи не е важно само она што можеме, туку и она што мислиме дека можеме.
ВЕЖБАЈТЕ ОПТИМИЗАМ
Никогаш немојте да го заборавите фактот дека животот е краток и дека е глупаво да го трошиме времето на стравови и размслување за неуспех или за неволи кои не се случиле. Нека целта ви биде стекнување на умерен и рационален оптимизам, кој накратко би можел да се опише со реченицата: Го сакам и му верувам на животот.
Немојте да велите: Сигурно нешто на лошо ќе тргне. Подобро поставете си го прашањето: Зошто би било така или од каде ми доаѓаат такви мисли, што е причината? Откријте од каде доаѓаат тие ваши стравови и зошто не си верувате себе си. Насочете се кон позитивните работи кои ви се случуваат. Бидете благодарни на секој нов ден, секое утро секоја насмевка. Честитајте си себеси на секој нов успех и сакајте се себеси.
Тешкотите и неуспесите (иако тоа не постои), гледајте ги како прилика за учење и за личен развој. Бидете активен двигател, а не беспомошен набљудвач.
Луѓето кои се подготвени да помогнат, се многу посреќни и позадоволни со себе. Што вие сте направиле во блиското минато, без никаква корист или интерес за некој друг? Не е важно дали е во прашање партнер, дете, сосед или некој комплетен странец. Кога ќе направите добро дело за друг, сатисфакцијата е неспоредливо поголема отколку кога тоа го правите за личен добробит. За да ја зголемите дневната доза на љубезност не ви требаат ниту пари, ниту екстра време. Доволна е само добра волја како би биле среќни.
