Голем број луѓе се обидуваат да го изгубат вишокот на килограми со тоа што значително го намалуваат внесот на јаглехидрати, кои ги заменуваат со салати. Меѓутоа, овие салати често не држат сити само еден час или два, па некако се чувствуваме гладни и понатаму. Токму затоа нутриционистите објаснуваат дека салатата може да биде одличен оброк ако содржи доволно протеини и здрави масти.
Нутриционистката Рејчел Пол ги открива триковите и клучните разлики за салатата да не биде само салата, туку вистински оброк со кој и понатаму ќе губите килограми.
Таа, за пример ја дава салатата со зелени листови (како рукола) и со малку моркови. И двата вида зеленчук не содржат скроб. Поради тоа, вели д-р Пол, ќе бидете сити помалку од еден час, се додека желудникот се занимава со нејзино варење. Но, ако во салатата додадете малку пилешко месо, нискокалоричен дресинг (на пример, маслиново масло и јаболков оцет) и авокадо или јајца, ќе добиете вистински оброк кој ќе ве држи сити со часови! Таквата салата и понатаму ќе биде многу здрава и нискокалорична во однос, на пример, некоја тешка вечера со која сте ја замениле.
На телото, особено ако сакате да изгубите вишок на килограми или маснотии, му се потребни масти, протеини и јаглехидрати, вметнати во умерени и избалансирани оброци кои ќе ве мотивираат да стигнете до целта
Втор пример се закуските. Ако изедете два грозда, ќе бидете сити во просек 45 минути, но ако изедете еден грозд и две парчиња сирење, тоа може да ве „држи“ сити и два часа – што е одличен начин да издржите до вечерата и да не посегнете по нездрави слатки.
Поентата на која предупредуваат нутриционистите е следна: немојте да јадете мала количина на овошје и притоа да се надевате дека ќе имате доволно енергија и волја да се држите до таквата диета. На телото, особено ако сакате да изгубите вишок на килограми или маснотии, му се потребни масти, протеини и јаглехидрати, вметнати во умерени и избалансирани оброци кои ќе ве мотивираат да стигнете до целта.
