Омилениот дерматолог на славните личности, Нигма Талиб, смета дека храната и пијалаците имаат директно влијание на нашето лице и резултираат во препознатливи симптоми, кои таа ги идентификува како „млечно лице“, „винско лице“, „шеќерно лице“ и „глутенско лице“.
„Кога пациентите ќе влезат во мојата ординација, веднаш можам да видам во која храна претеруваат според тоа како им старее лицето“, вели познатата докторка. Доволно е само еден ден претерување со несоодветна храна и тоа веднаш ќе предизвика подуеност.
Нигма не е прва која верува дека лицето ја открива вистината за здравјето – мапирањето на лицето е гранка на алтернативната медицина, која ги поврзува деловите на лицето со одредени органи во телото и е позната со векови.
Овој пристап советува да си го погледнете лицето, да видите каде се наоѓаат брчките, акните, сувата кожа итн., и според тоа да обрнете посебно внимание на внесувањето на храна која не ви одговара.
Ако претерувате со шеќер („шеќерно лице“) ќе имате најмногу брчки на челото, кожата под очите ќе ви биде обесена, кожата на лицето сивкаста, а во повеќето случаи, ќе се јават и поткожни акни.
Млечните производи не им одговараат на сите, т.е. некои луѓе едноставно немаат толеранција на нив и во тој случај треба да ги избегнуваат. Ако препознаете некои од симптомите на „млечно лице“ (потечени очни капаци, темни кругови под очите, мозолчиња) – вие сте еден од нив.
„Винско лице“ е карактеристика на луѓето кои претеруваат со алкохол, а главни „симптоми“ на ова лице се брчките помеѓу очите, спуштени очни капаци, зголемени пори, дехидрирана кожа и линии преку образите, румени образи и нос и длабоки брчки.
Ако сте чувствителни на глутен, тоа ќе го препознаете по потечените црвенкасти образи, дисколорација на лицето, а најмногу на брадата.
