Доколку праските се ваше омилено овошје уживајте во нив, бидејќи ова е нивната сезона. И не само што се вкусни се и исклучително здрави, и тоа поволно делуваат на гастроинтестиналниот тракт, а можат да помогнат и кај раздразливост на дебелото црево и Кронова болест. Благодарение на хранливите материи што ги содржат, праските придонесуваат и за здравјето на кожата со подобрување на хидратацијата и текстурата.
Полни се со витамин А, Ц и Е, како и антиоксиданти како хлорогена киселина, кверцетин и катехин. Овие хранливи материи придонесуваат за посилен имунитет и поволно делуваат на кардиоваскуларниот систем. Праските содржат и калиум – една праска со средна големина содржи дури 285 мг од овој минерал кој е важен за спречување на хипертензија и срцеви заболувања, додека истовремено спречува задржување на вода во организмот.
