Меѓутоа за да се постигне вистинскиот ефект, ова превозно средство треба да се користи барем од три до четири пати неделно, без оглед на временските услови. Со редовно утринско возење се трошат калории, се симнува сало и се јакнат мускулите. На велосипед секој мускул станува активен, а особено кардиоваскуларниот систем и срцето. Освен тоа престојот во природа, свежиот воздух и чувството на растовареност и задоволство делуваат релаксирачки и ослободуваат од стрес. За во потполност да уживате во возењето важно е да примените неколку правила.
Пред се, треба правилно да седите и да ја одредите целта на возењето. Пронајдете ја својата патека, затоа што уживањето во околината додека ги вртите педалите, исто така, делува релаксирачки.
Ако возењето велосипед го сфаќате како спорт, треба да постигнете од 60 до 80 вртења во минута. Постепено од недела во недела, зголемувајте го бројот на поминати километри. Во првата недела треба да поминете два километри за 9 минути, во втората и третата недела четири километри за 18 минути, во четвртата и петтата шест километри за најмногу 27 минути. Во шестата и седмата без проблем треба да поминете 10 километри за најмногу 45 минути, а во осмата 12 километри за 53 минути.
