Досега човештвото било соочено и со закани од вируси, вклучувајќи и пандемии. Но, светот не застанува поради секоја инфекција или сезона на грип. По што новиот коронавирус SARS-CoV-2, предизвикувач на болеста КОВИД-19 е поинаков?
Мајстор за измама
За почеток, во раните фази на инфекција со вирусот може да го измами телото, пустошејќи ги белите дробови и дишните патишта, додека нашиот имун систем мисли дека се е во ред. Кога ќе ги нападне вирусот, клетките на нашето тело почнуваат да испуштаат хемикалии, наречени интерферони, што е знак за тревога на остатокот од телото и имуниот систем. Новиот коронавирус најде начин како да го исклучи тоа хемиско предупредување.
Се однесува како возач кој со автомобил удрил пешак и побегнал
Количината на вирусот во нашето тело достигнува максимум ден пред да почнеме да чувствуваме дека сме болни. Но, на вирусот му е потребна барем една недела за да не доведе во фаза во која мораме во болница. Затоа се движиме меѓу други луѓе и го шириме, а тоа не го ни знаеме се додека не е предоцна. Додека се опорави заразеното лице, вирусот веќе нашол друга жртва.
По тоа многу се разликува од изворниот коронавирус SARS од 2002 година, кој беше најзаразен денови пред луѓето да се разболат, па беше лесно да се спроведе изолација.
Телото не е подготвено за овој вирус
Се сеќавате ли на последната пандемија 2009 година, кога многумина беа загрижени поради вирусот H1N1, односно свински грип? Се покажало дека не бил ниту приближно смртоносен колку што се очекувало, бидејќи повозрасните лица веќе имале одреден вид на заштита, поради тоа што веќе биле сретнати со слични соеви.
Постојат уште четири вида на коронавируси кои ги напаѓаат луѓето и се предизвикувачи на симптоми вообичаени за настинка. Но, SARS-CoV-2 е нов и поинаков, а може да предизвика и шок во имуниот систем.
Изградбата на имунолошка одбрана за повозрасните лица е проблематична бидејќи нивниот имун систем е побавен во споредба со помладите луѓе, поради тоа што произведуваат разнолики Т-клетки, на кои се потпира имуниот систем во борба против вируси и други напаѓачи.
Му прави чудни и неочекувани работи на телото
КОВИД-19 почнува како белодробна болест ( и тоа не типична) и може да влијае на целото тело. Не само што ги убива белодробните клетки, туку и ги расипува. Клетките се спојуваат во големи и нефункционални клетки кои се нарекуваат синцитии и кои остануваат во телото.
Белите дробови можат во целост да се опорават по сериозен грип, но не и по КОВИД-19.
Нешто чудно се случува и со згрутчувањето на крвта. Имало случаи во кои не било можно да се даде инфузија на пациентот, бидејќи крвниот сад во моментот би се бликирал со згутчување на крвта. Хемикалиите кои служат за згрутчување на крвта би пораснале и до 400 отсто кај одделни пациенти.
Влијанието кое КОВИД-19 го има на телото може да е последица на патот преку кој вирусот влегува и ги заразува нашите клетки, рецепторите ACE2. Освен во белите дробови, вирусот досега е пронајден и во крвните садови, црниот дроб и бубрезите.
Исто така може да предизвика и нагла треска/грозница, што доведува до преоптоварување на имуниот систем и штетни последици за целото тело.
Имаме премногу килограми
КОВИД-19 има потешки последици ако имате вишок килограми. Изложени сте на поголем ризик од потреба за интензивна нега или смрт. Тоа исто така е невообичаено за вирусните инфекции. Дотолку повеќе што за некои други белодробни болести и е добро да се има некој килограм плус.
Мастите распоредени по телото, во органите, како црниот дроб, се причина за метаболичко пореметување кое во комбинација со коронавирус има непријатни ефекти.
Поверојатно е дека обезните пациенти ќе имаат повисоко ниво на воспаление и поголемо ниво на протеини кои може да доведат до згрутчување на крвта.
