Истражувањата покажуваат дека луѓето кои губат коса често имаат недостаток на некои витамини и минерали, најчесто Б6 и Е, како и железо и цинк. Изборот на вистинските намирници кои ги содржат токму овие витамини и минерали може да помогнат да се спречи губењето на косата. Токму затоа важно е секој да се грижи каква храна се наоѓа на секојдневното мени.
Исхраната богата со масти е поврзана со високото ниво на тестостерон, кое е одговорно за губење на косата. Косата се состои главно од протеини, па логично е дека исхраната на луѓето кои имаат проблем со губење на косата треба да биде богата со протеини.
Тоа значи црвеното месо, кое е богато со протеини, железо и цинк треба што почесто да се најде на менито. Но не премногу често затоа што, покрај протеините, е богато и со маснотии. Многу подобар избор е пилешкото, рибата, месо од дива свиња, јајца, бадеми и јогурт.
Сојата, од друга страна е добар извор на протеини, а сиромашна со масти. Јајцата и млечните производи како јогуртот се добар начин на телото да му се даде дополнителен извор на протеини, а исто така се богати со хранливи материи и минерали како што се селен и магнезиум.
Недостатокот на железо и цинк во телото е најголемата причина за губење на косата. Проблемот е, исто така, предизвикан од недостаток и на витамин А. Затоа е потребно да се јаде зелен и жолт зеленчук, супи и млечни производи кои се богати со овие минерали и витамини.
Железото игра важна улога во создавањето на хемоглобинот кој го пренесува кислородот до органите и ткивата. Добрата циркулација на крвта во главата го стимулира растот на косата и го спречува паѓањето. Тоа може да се надомести и со со суви овошја богати со железо. Добро е да се јаде овошје богато со витамин Ц, кој му помага на телото побрзо да го апсорбира железото. Витаминот Ц создава колаген кој е од суштинско значење за растот на косата. Освен витамините Ц и А, витаминот Е исто така е важен за здравјето на косата. Најлесно ќе го добиете преку здравите закуски од бадеми, богати со витамин Е и цинк.
Мажите кои страдаат од губење на косата имаат недостаток на цинк во телото. Цинкот игра клучна улога во регулирањето на разните телесни функции, почнувајќи од репродукција на клетките до хормоналната рамнотежа, а сето тоа влијае на растот на косата. Затоа е важно да се јаде храна богата со цинк, црвено месо, живина, школки, ракчиња, ореви. Но, внимавајте, и премногу цинк не е препорачливо, па не претерувајте.
