За разлика од кромидот или лукот, празот се употребува цел и тоа не само како зачин, туку и како самостоен зеленчук. Се бере од почетокот на есента до крајот на пролетта. Затоа празот е важна намирница, особено преку зимата, кога изборот на зеленчук е ограничен.
По нутритивниот состав сличен е на своите роднини, но содржи повеќе белковини, бета-каротен и витамин Ц. Свежиот праз е одличен извор на манган, железо, фолна киселина, витамин Ц и Б6. Со варење се намалуваат витамините минералите. Но, сепак и варениот праз содржи помали количини на манган и железо, фолна киселина и витамин Б6. Изобилува со хранливи и лековити супстанци, како и етерични масла со сулфур. При употреба на праз се препорачува да се користи целиот праз, и белото стебло и зелените листови. Листовите, кои често се избегнуваат, содржат неколку пати повеќе витамини отколку белиот дел.
Здравствени предности
- При зголемена штитна жлезда се препорачуваат топли облоги од варен праз.
- Празот помага при искашлување, ја смирува кашлицата и ефикасно делува на зарипнатост, воспаление на белите дробови и астма
- Ја намалува зголемената мочна киселина, холестеролот и маснотиите во крвта
- Ја подобрува циркулацијата на крвта, а помага и кај артеросклероза и воспалние на вените
- Го подобрува апетитот и ја поттикнува работата на дигестивниот ситем и цревата
- Празот ја подобрува работата на бубрезите и излачувањето на урина, и помага при болки во бубрезите и камења во бубрезите
