Брзиот начин на живот и стресот не им дозволуваат на мислите да се смират бидејќи забрзано циркулираат во мозокот и во време кога треба да спиеме. Кога не сме опуштени во умот и нашето тело е во грч, а тоа не дозволува да имаме мирен сон. Постојат трикови за да се релаксирате, да ги смирите вашите мисли и побрзо да заспиете.
„Сонот е многу важен за функционирањето на телото и умот во целост. Секогаш ги носи со себе животните потреби, околностите и навиките. Секое непријатно чувство, студ, премногу топлина, болка, чувство на вознемиреност, анксиозност, неизвесност и други непријатни сензации му пренесуваат на мозокот информации кои пречат на спиењето и сонот”, објаснува д-р Бранислава Чилич, специјалист по семејна медицина.
Таа вели дека спиењето е под влијание на многу фактори кои можат да се поделат на оние на кои имаме влијание и други кои се надвор од наша контрола, како што се болести, проблеми на работа или во приватниот живот.
Фактори на кои можеме да влијаеме
„Спиеме во затемнета просторија, бидејќи нашиот организам лачи мелатонин во темнина, хормонот кој е одговорен за спиење – меѓу другото, затоа и спиеме ноќе. Значи, треба да ги исклучите светлата, да ги спуштите ролетните доколку уличната светилка премногу ви ја осветлува собата. Придушете ги надворешните звуците, нормално доколку сте во можност. Добро е да се напиете топол пијалак, чај, млеко, какао, така што циркулацијата на крвта повеќе ќе се прераспределува на варење, а помалку во мозокот. Познато е дека консумацијата на млеко содржи аминокиселина L триптофан, која им помага на луѓето да потонат во сон”, советува Бранислава Чилич.
Таа додава дека пред спиење воопшто не е добро да се гледаат вознемирувачки филмови или да се играат воени игри. Исто така, не е добро спиење во текот на денот повеќе од 10 до 15 минути.
„Добро е да вметнете некој ритуал пред спиење, кој ќе ви создава условен рефлекс за да се спремите за спиење. Тоа се, на пример, читање лесна литература, музика, туширање, пиење топли пијалаци, или други работи со кои го завршуваме работниот ден, а што на некој начин нè одделуваат од будност и не доближуваат до сонот”, додава докторката.
Таа забележува дека важно е пред спиење да избегнувате кафе, никотин и алкохол. Не е добро ниту да се вежба пред спиење, бидејќи тоа го буди телото.
Пожелно е пред спиење да медитирате, да се опуштите во топла бања … Покрај тоа, многу е важно креветот, душекот и перниците да се квалитетни и удобни.
Што се случува кога сме ненаспани?
Се разболуваме поради тоа што имуниот систем е ослабен поради недостаток на сон, а кога имунитетот е слаб, телото многу потешко се бори со разни болести. Мозокот работи бавно и тешко ни е да донесеме добра одлука и да се концентрираме на било што. Тоа може да биде многу опасно, особено за луѓето кои поминуваат многу време зад волан.
Луѓето кои спијат помалку од пет часа на ден се склони кон дебелеење. Во текот на денот немаат доволно енергија, па затоа посегнуваат кон нездрава храна и помалку се движат. Кожата изгледа се полошо – брчките се поизразени, се појавуваат повеќе старечки дамки, се појавуваат акни. Во суштина, телото побрзо старее кога е уморно. Ризикот од кардиоваскуларни болести е поголем, како и ризикот од развој на рак. Сексуалната потреба се намалува. Ако спиеме помалку од пет часа и така пример една недела, нивото на полови хормони ќе се намали.
Заспијте за 60 секунди
Д-р Ендру Вејл, лекар образован на Харвард, е голем поборник за 4-7-8 техники на дишење со кои се релаксираат мускулите и се чистат мислите, а се базираат на древна индиска пракса. Со оваа техника, повеќе кислород влегува во белите дробови, а со тоа и во целото тело, и на тој начин го релаксира. Д-р Вејл ја препорачува оваа техника не само пред спиење, туку и во текот на денот кога сме под стрес.
