Лабораториските анализи пожелно е да се прават на празен стомак, што значи пред вадење крв цели 12 часа не треба да се јаде. Наутро, дента кога се прават анализите дозволено е мала количина на вода, а исклучоци се прават само во итни случаи.
Зошто?
Со оглед дека храната и продолженото гладување имаат директни ефекти на метаболизмот на јаглехидратите, липидите и протеините, неопходно е некои анализи да се прават на празен стомак. Притоа ефектот на протеинските (месните) оброци е поголем од ефектот на оброкот со јаглехидрати (леб, тестенини, колачи).
На празен стомак задолжително се прават анализи на шеќер во крвта, триглицериди, холестерол, витамин Б 12, фолна киселина, алкална фосфатаза, маркери за коски, остеокалцин, железо, кортизол, како и кога се прави тест за хеликобактер пилори и хомоцистеин. За одредување на тумор маркери, спротивно на ова, не е потребно да лицето да биде гладно.
Пред вадење на крв – последниот оброк пред утрешно вадење на крв може да биде лесна вечера најдоцна до 19 часот. Наутро, на денот на анализите на крвта, не е дозовлено ништо освен малку вода, а 48 часа пред вадење крв треба да се избегнувааѕ лекарства (освен задолжтелните), силен физички напор и алкохол.
Маснотии во крвта – Две недели претходно исхраната треба да биде нормална. Два дена пред вадењето крв треба да се избегнува вежбање и алкохол. Еден ден пред анализата се препорачува да консумирање немасна храна и кафе по 19 часот. Вадење крв не треба да се прави пред да поминат 8 недели од акутен миокарден инфаркт, хируршки операции, трауми, бактериски или вирусни инфекции.
Одредување на железо во крвта – Два дена порано не треба да се пијат сокови збогатени со витамини (боровница, црна рибизла, капини, цвекло) бидејќи може лажно да го зголемат железото, па наодите нема да бидат валидни.
Толеранција на глукоза (OGTT) – Пациентите не смеат да јадат од 8 до 12 часа. За време на тестирањето, пациентот за цело време е во лабораторијата. За тоа време не смее да се пуши, јаде, пие, и да се излегува надвор.
Тромбофилија – Повеќето тестови за тромбофилија (крв од периферни вени) не смее да се изведува додека пацинетот е под терапија за разредување на крвта, поради влијанието на терапијата на резултатите на анализите.
Хормони на штитната жлезда – Терапија на хормоните на штитната жлезда може да влијае на резултатото, па е важно на денот на вадење крв да не се земаат лекови за оваа состојба. Се пијат непосредно по тестирањето.
Одредување на крвта во столицата – Седум дена пред давање примерок треба да се избегнуваат лекови (освен неопходните, препишани од лекар). Тестот се одложува при месечен циклус, дијареа, крварење од хемороиди и уринарниот тракт.
Земање урина (еднократна) – Мора да поминат најмалку 4 часа од последното празнење на мочниот меур. Првиот млаз се фрла, а средниот се собира во стерилен сад. Не се зема за време и околу околу периодот на месечен циклус. .
Тест за хеликобактер – Наутро не смее да се јаде ништо, ниту да се пие. Не се четкаат дури ни заби. Тестот се спроведува најмалку четири недели од последната доза на антимикробниот лек и две недели по антисекреторниот лек.
