Според официјалните препораки секојдневно треба да се пие помеѓу два и три литри вода, а тоа овозможува правилно варење на храната, транспорт на хранливите материи и кислородот до сите клетки во телото, ги подмачкува органите и ја одржува еластичноста на ткивата и органите, ги исфла отпадните материи од организмот и ја регулира телесната температура на телото. Сепак, многу луѓе денес не пијат ни половина од препорачаната доза, а еден од нив бил и Вил Фултон, кој одлучил да го прифати експериментот и да пие по 4 литри вода дневно.
Вил објаснува дека кога решил да го прифати овој предизвик, очекувал позитивни резултати, а уште посилен мотив било тоа што неговата компанија му плаќала за експериментот
„Тоа беше најтешко искуство во мојот живот“, признава и продолжува: „Да се пијат чаши и чаши вода и често да се мокри…“, го опишува Фултон своето искуство во „Water Gallon Challengе“. Тој секој ден, еден месец, пиел околу 4 литри вода.
Пластичниот канистер со вода го носел секаде со себе, па дури и спиел со него. Веќе петтиот ден, сфатил дека постојано се чувствува сито, така што јадел далеку помалку од претходно.
После 10. ден не му било потребно ниту кафе за будење, бидејќи станувал полн со енергија и не се чувствувал уморно како пред почетокот на предизвикот кога не пиел доволно вода.
„Забележав дека мојата коса е здрава и сјајна, како и кожата, но инаку јас сум навистина згоден, па не сум сигурен дали ова има нешто со водата, ха ха ха…“, се пошегува во статија за „Thrilist“, портал за кој работи како новинар, додавајќи дека неговата колегите му забележале дека е позгоден. На половина пат, односно на 15. ден, сфатил дека пука од енергија!
Повеќе не пие кафе, а претходно пиел по три кафиња дневно. Не ја чувствува топлината како порано и тврди дека му паднала и телесната температура. Исто така, и сонот му се нормализирал.
По 20. ден луѓето почнале да му кажуваат дека изгледа посреќно. Пет дена подоцна забележал дека водата станала дел од него. Раскажува како девојката му рекла дека кожата му е многу поубава и понежна, а и тој самиот се чувствувал одлично, послабо, позадоволно, посреќно, енергично, па дури рекол и дека мисли дека станал подобар човек.
Во дневникот кој го објавил опишува дека неговата урина веќе подолго време е сосема бистра и дека постојано се чувствува жеден. Сепак, вели дека не би го препорачал неговиот експеримент на секого, зашто лошата страна е постојаното трчање во тоалет, но сепак, тврди дека пиењето вода му го променил животот на подобро.
После 30 дена пиењето вода повеќе не му е предизвик, туку сосема нормална работа. „Можеби никогаш повеќе нема да бидам истиот“, изјави Вил Фултон по завршувањето на предизвикот, додавајќи дека сигурно ќе пие повеќе вода отколку што пиел пред да започне со овој предизвик.
