Повеќето луѓе во текот на животот се заразуваат со вирусот херпес симплекс тип I (HSV – I), кој обично е поврзан со инфекција на усните, устата и лицето. По примарната инфекција во детството, се повторува најчесто во ситуации кога имунот систем е ослабен, кога лицето е болно или под стрес.
Иако се сметало дека овој вирус не предизвикува сериозни промени на органите, откриена е неговата поврзаност со Алцхајмеровата болест. Имено, години истражување покажале поврзаност помеѓу сенилната деменција и инфекцијата со херпес симплекс вирусот I кај лицата кои имаат специфичен ген APOE-4, кој го зголемува ризикот за појава на деменција.
“Секој втор пациент со вирус HSV I може да смета на појава на Алцхајмерова болест. Мозочните клетки на носителот на ризичниот ген, се почувствителни на оштетувањата што ги предизвикува HSV I, а акумилираните оштетувања кулминираат со развој на Алцхајмерова болест“, вели проф. Рут Итѕаки од Универзитетот Манчестер.
Неколку неодамнешни студии, истакнува професорката, покажале дека антивирусната терапија против херпес, значително го намалува бројот на заразени кои развиваат деменција.
Се претпоставува дека и други форми на инфекции со херпес, како на пример гениталниот (херпес симплекс вирус тип 2), имаат еднаков ефект, но нив, поради непријатности кај заболениот, е потешко да се евидентираат. Студиите откриваат и слично делување на ХПВ, а вакцинацијата се покажала како најдобра превенција.
