Без разлика дали сакаме да вкусиме нови вкусови, да пробаме поодржлив начин на готвење или едноставно да ја искористиме храната, кората од лубеница е нешто што вреди да се открие.
Препознавањето на хранливата вредност на кората од лубеница е првиот чекор кон нејзина употреба. Иако нејзиниот вкус е неутрален, а текстурата цврста, кората е изненадувачки богата со хранливи материи. Содржи влакна, витамин А,Ц,Б6 и аминокиселината цитрулин.
Еве неколку идеи за здрави рецепти:
1. Смути со кора од лубеница
Состојки:
- 1 чаша кора од лубеница (излупена од зелената кора)
- 1 чаша црвено месо од лубеница
- ½ јаболко
- Малку ѓумбир
- Вода или кокосова вода
Приготвување:
Сите состојки се ставаат во блендер. Од нив добиваме смути со многу влакна и природна свежина.
2. Салата со кора од лубеница и краставица
Состојки:
- 1 чаша кора од лубеница (само белиот дел, без зелената надворешна кора)
- 1 краставица
- Малку маслиново масло
- Лимонов сок
- Сол и бибер
- Копар или нане
Приготвување:
Исечете ја кората и краставицата на тенки стапчиња, зачинете со масло, лимон, сол, бибер и зачин. Уживајте во освежителната и лесна салата.
3. Варена кора од лубеница со зеленчук (како тиквички)
Состојки:
- 2 чаши исечкана кора од лубеница
- Исечкани морков, тиквичка и кромид
- Маслиново масло
- Магдонос
- Малку куркума или кари
Приготвување:
Се динста зеленчукот со маслото и зачините, потоа се додава кората и малку вода. Се готви 10–15 минути. Добивате вкусно вариво кое може да се послужи само или како прилог на вашето главно јадење.
4. Сок со кора од лубеница
Исечкајте ја кората на мали коцки и ставете ја во блендер. Додајте сок од лимон, грејпфрути, портокал, малку мед и измешајте. Ќе добиете освежувачки сок богат со витамин Ц.
5. Сок од кора од лубеница
Исечете ја кората, изблендирајте ја и да додадете малку вода и мед по желба.
