По малку застрашувачко е сознанието дека биолошкиот часовник отчукува. Се разбира, вистина е дека бројот на јајни клетки се намалува со годините, како и дека постојат одредени ризици кога е во прашање бременоста после 35 година од животот, како хипертензија, дијабетес или, пак, абнормалности на хромозомите и Даунов синдроим кај бебето. Значи, секогаш е добра идеја да се консултирате со лекарот за плановите за да бидете сигурни дека сте ја донеле најдобрата одлука за себе, односно за своето и за здравјето на детето. Добрата вест е дека постојат се повеќе истражувања кои откриваат изненадувачки привилегии за постарите мајки.
Ова се шесте најголеми придобивки:
Мозокот подобро ќе функционира
Студијата покажува дека раѓањето деца подоцна во животот може да помогне и во менталното зајакнување за време на стареењето. Една студија, пак, тестирала 830 средовечни жени за да покаже дали постои врска меѓу раѓањето дете во подоцнежните години и работата на мозокот.
Се покажало дека оние оние жени кои родиле дете после 35 година од животот имаат поизострено памтење и вербална меморија. Се покажало и тоа дека оние жени кои првото дете го родиле после 24 година се подобри во решавањето на проблемите од оние кои се породиле пред 24 година од животот.
Вашите деца помалку ќе се повредуваат
Се разбира, факт е дека ќе го штитите своето дете колку што можете повеќе без оглед на годините, сепак неколку студии го истакнале фактот дека ризикот од ненамерни повреди кои бараат медицинска интервенција всушност има врска со годините на мајката.
Ќе бидете емотивно поподготвени
Несомнено е дека чувството за мајчинство доаѓа со годините (потсетете се само колку сте се смениле од тинејџерскиот период). Стручњаците истакнуваат дека токму тоа чувство игра важна улога за подобро родителство. Во март 2017 година тим од холандски научници го набљудувал психосоцијалниот развој на две групи деца од 7, 11 и 15 години.
Во првата група припаѓале деца чии мајки ги родиле на возраст помала од 31 година, а во другата група деца мајки кои имале повеќе години. Проучувајќи го психосоцијалниот развој биле изненадени кога откриле дека постарите мајки многу помалку ги карале и физички ги дисциплинирале своите деца. Над се, децата на постарите мајки подобро се однесувале, биле подруштвени и емотивно поздрави во своите предтинејџерски години. Со други зборови, постарите мајки се многу поопуштени во улогата на родител што во секој случај многу повеќе им оди во прилог на нивните деца.
Поголеми се шансите вашето дете да биде технолошки гениј и со подобро образование
Колку подолго чекате на деца, толку постојат поголеми шанси вашето дете како расте подобро да ја разбира технологијата. Децата на постарите родители имаат придобивки од едукацискиот, технолошкиот и социјалниот напредок кој настанал низ годините кога раѓањето е одлагано.
Ќе бидете финансиски постабилни
Голем број истражувања ја поддржуваат теоријата дека здравјето е во тесна поврзаност со финансиската ситуација. Доколку имате шанса да завршите образование и да вложите време во развојот на кариерата, поголеми се шансите дека ќе стекнете подобра плата од оние мајки кои родиле дете пред да се остварат на деловен план.
Студиите покажуваат дека постарите мајки остануваат подолго во едукацискиот систем, покажуваат подобри резултати на стандардизираните тестови и почесто се образуваат факултетски од другарите чии мајки се помлади.
Ќе живеете подолго
Некои луѓе мислат дека раѓањето бебе подоцна во животот значи недостаток на енергија да се биде во чекор со него или дека нема да бидете тука кога се главните животни случувања во прашање, како венчавки или добивање сопствени деца (внуци). Сепак, истражувањата покажале дека тоа е далеку од вистината.
Всушност, студија од 2015 година покажала дека жените кои ќе родат после 33 година од животот имаат двојно поголеми шанси да доживеат 95 години во споредба со жените кои последното дете го родиле пред 30 година од животот. Ова навистина би требало да се земе предвид!
