Стручњаците истакнуваат дека трчањето во место е добро бидејќи може да го правите и во домот, особено ако немате во близина парк. Едно истражување покажало дека трчањето по улици, каде што сте опкружени со издувни гасови, повеќе е штетно отколку корисно. Ако сте љубител на трчањето во природа, обидете се времето да го организирате така што ќе трчате во утринските часови, кога нивото на издувни гасови е нешто помало. Предност на трчањето во место во домот е тоа што може да трчате боси, со што инстиктивно ќе почнете да трчате правилно.
Техника
Ова е прилично едноставно. Застанете на мека подлога и почнете да трчате во место, но подигнувајте ги рацете бидејќи така ќе согорите повеќе калории. Постојат и разни варијации на трчање во место. Така, на пример, може колената да ги приближувате што повеќе до градите, или да го забрзувате темпото.
Трошење калории
Иако се разликува од трчањето во природа или на лента, трчањето во место дава речиси исти резултати. Односно, во еден час трчање во место (5км/ч.) ќе потрошите 563 калории (лице со тежина од 70 килограми).
Предности
Освен трошењето калории, трчањето во место има и многу други предности. Може да трчате во било кое време од денот, додека гледате телевизија, или слушате музика. За здравјето е еднакво добро како и трчањето во природа, а исто така помага и при обликувањето на телото и слабеењето. Највидливи резултати ќе забележите на нозете, бутовите и задникот.
Почеток
Ако имате проблеми со здравјето, пред се, посоветувајте се со лекар, бидејќи трчањето не е добар избор за сите луѓе. Најдобро е на почеток да трчате околу 30 минути 4 пати неделно. Кога ќе забележите дека кондицијата ви се подобрува, постепено зголемувајте го времето. На почеток е важно меѓу секој тренинг да имате еден ден одмор.
