Организмот никогаш не развива здравствен проблем одеднаш, туку покажува знаци со месеци претходно. Нашето тело е совршен механизам во кој многу работи се случуваат истовремено, но некои знаци, ако се игнорираат, може да доведат до проблеми со здравјето.
Ова се знаците кои треба да ги сфатиме сериозно:
Несоница, слаби нерви и грчеви во нозете
Комбинацијата на овие три симптоми е очигледен знак, кој ви го испраќа вашето тело за да ви каже дека му недостасува магнезиум и калиум за нормално извршување на метаболичките функции.
Сува кожа
Овој знак, особено ако трае со недели и не се поврзува со надворешни фактори како што се промена на козметика, сезона на греење и слично, може да биде знак на недостаток на витамин Е.
Избегнувајте работи кои ја сушат кожата одвнатре – кафе и алкохол.
Постојана желба за слатко
Ако желбата за слатко ви е секојдневна, вообичаени причини се замор, стрес, па дури и депресија.
Вашето тело бара гликоза и треба да му ја дадете.
Ви се јаде сладолед или ви се грицка мраз
Оваа потреба и не е толку ретка, а експертите објаснуваат дека може да биде знак за анемија во организмот. Недостатокот на железо обично се јавува и со други симптоми, како што се замор, лупање на срцето, опаѓање на косата…
Крвавење на непцата
Ненадејното или континуирано крвавење на непцата додека ги четкате забите е јасен знак за чести воспаленија предизвикани од недостаток на витамин Ц.
Пред да купите витамински додатоци, обидете се да воведете во исхраната повеќе цитрусни плодови, спанаќ, домати, зелка, карфиол и брокула.
Кршливи нокти и коса
Ова е најчестиот знак на недостаток на витамини од Б групата.
Јадете балансирано и бирајте помали и почести оброци.
Прстен околу ирисот
Обично се јавува кај луѓе постари од 50 години, и тогаш неговото појавување е нормално.
Но ако се јават кај помлади личности, тогаш тие прстени се знак за покачено ниво на холестерол и, секако, треба да се консултирате со лекар за да го проверите нивото на масти во крвта.
Т.н. грчко стапало
Исто така се нарекува и „Мортонов прст“, а се однесува на состојба каде што вториот прст е подолг од палецот и може да биде причина за болка и оток на ногата, односно делот, кој се наоѓа под самите прсти. Затоа, обувките стануваат непријатни за носење, а прстите лесно се искривуваат. Треба да се посвети поголемо внимание на стапалата, да не се носат тесни чевли и да се бираат ортопедски чевли.
