Болниците ќе мора да пронајдат нови начини да се борат против бактериите, бидејќи ново истражување покажало дека дезинфекционите средства на база на алохол, кои се користат во болниците се се помалку ефикасни.
Миење на рацете со алкохол изопропанол, станал метод за контрола на инфекциите во болниците. Додека од една страна постојат бројни придобивки од ваквото миење на раце, како што е намалување на процентот на болничките инфекции, бактеријата стафилокока, новите истражувања покажале и негативни ефекти, пишува Гадријан.
Научниците тврдат дека дошле до заклучок дека супербактериите, познати како ентерококи се отпорни на ванкомицин и дека покажуваат се поголемо ниво на толерација на алкохол. Една од најпознатите подвидови на овие бактерии е Enterococcus faecium. Заразите кои ги предизвикува оваа бактерија може да има сериозни, а понекогаш и смртоносни последици.
Најголем проблем кај ентерококите отпорни на ванкомицин, сметаат научниците, е нивната способност да се колонизираат во цревата, патот по кој влегуваат во крвотокот на заразеното лице и предизвикуваат сепса, инфекција на крвотокот. Нивното отстранување претставува голем проблем бидејќи се отпорни речиси на сите антибиотици. Тие бактерии ги погодува оние најчувствителните, а во особено ризична група спаѓаат лица кои примаат хемотерапија, дијализа и оние кои примаат орган. Здравите луѓе ретко се инфицираат со оваа бактерија.
Истражување кое е спроведено од Тимоти Стајнер, научник од Универзитетот во Мелбурн покажало дека бактеријата Enterococcus faecium со текот на времето станала отпорна на алкохол. „Заклучивме дека новите изолатори, откриени по 2010 година, се до 10 пати поотпорни на алкохол од оние претходно„, изјавил Стајнер. Сепак, алкохолот кој го користеле научниците во експериментите не бил концентриран, како оној кој се користи по болниците, па морале да спроведат уште едно истражување.
Избрале четири изолатори од бактеријата Enterococcus faecium од кои два биле отпорни на алкохол, и ги рашириле по површината на различни кафези. Потоа, го избришале секој кафез со бришач од изопропанол со јачина иста како од болниците. Во секој кафез ставиле глувци и ги оставиле да одат во кафезите еден час, а потоа ги извадиле. По една недела ги анализирале бактериите од цревата. Резултатите од експериментите откриле дека бактериите завршиле во цревата на глувците.
