Се попопуларните спа третмани на стапала со рипките Гара руфа можат да рашират болести како што се ХИВ и хепатитис Ц, предупредуваат здравствените експерти.
Владината агенција за здравствена заштита во Велика Британија соопшти дека луѓето кои страдаат од дијабетес, псоријаза или имаат слаб имунолошки систем, се особено ранливи и воопшто не треба да учествуваат во овој тренд на убавина.
Во новите упатства на Агенцијата се истакнува дека ризикот од инфекција за корисниците на сѐ попопуларниот третман, во кој десетици мали риби ја отстрануваат мртвата кожа од стапалата на клиентите, е низок, но не може целосно да се исклучи
Агенцијата вели дека водата од резервоарот со риби содржи микроорганизми и се смета дека проблемите би можеле да произлезат од бактериите што се пренесуваат од „педикирните риби“, од самата бања или од еден клиент на друг, доколку водата не се промени.
Доколку клиентот е заразен со вирус како ХИВ или хепатитис Ц и крвави во водата, постои ризик болестите да се пренесат.
Портпаролoт на британската агенција за здравствена заштита изјави: „Ги издадовме овие упатства, бидејќи е се поголем бројот на овие бањи“, притоа напоменувајќи дека „кога се следат точните хигиенски процедури, ризикот од инфекција е многу мал“.
