Болка која се шири низ раката
Многу мажи чувствуваат болка во левата рака, додека жените ја имаат истата болка во двете раце. Некои жени, исто така, откриле дека пред срцевиот удар доживеале необична болка во лактите. Тоа се случува затоа што болката од срцето патува во ’рбетниот мозок каде се поврзани многу нерви од телото, а мозокот е збунет и мисли дека всушност боли раката кога тоа и не е случај.
Кашлица која не престанува
Кашлицата може да биде резултат на различни проблеми и, исто така, може да биде знак за кардиоваскуларни болести. Постојаната кашлица која произведува розеникава течност која содржи крв е мошне честа кај срцевиот застој. Меѓутоа, кашлицата може да е и потсимптом на посериозен симптом како што е диспнеата и ненајденото губење здив.
Отечени нозе
Кога срцето не пумпа добро течностите од крвните садови се пропуштаат во околните ткива, а нозете се местата кои најчесто отекуваат заради гравитавијата. Тоа се нарекува периферен едем. Многу луѓе кои го имаат всушност и немаат срцеви проблеми, но сепак е прилично чест симптом меѓу пациентите со срцеви болести и би требало да посветите внимание.
Недостаток на апетит и чувство на мачнина
Многу пациенти имаат симптоми како што се недостаток на апетит и/или мачнини, дури и ако каснат неколку залчиња. Причина за ова е насобирањето течност околу црниот дроб и цревата што ја попречува нормалната дигестија. Овие симптоми обично се проследени со болка во стомакот и ако ги чувствувате сите одеднаш, не е лошо да појдете на лекар.
Екстремни и необични нивоа на анксиозност
Неколку студии покажале дека луѓето кои патат од екстремна анксиозност се склони на болести на срцето. Анксиозноста може да биде предизвикана или од мошне стресен начин на живот или заради различни пореметувања, вклучително и фобична анксиозност и паника. Анксиозноста може да резултира со тахикардија, зголемен крвен притисок и намалена брзина на отчукување на срцето.
Губење на свеста или несвестица
Чувството на напнатост и губење на свеста е мошне често кај срцевите болни. Кога срцето не пумпа доволно крв, причината може да биде тоа што протокот на крв е блокиран заради, на пример, запушена артерија. Затоа не губете време!
