Самоиницијативното прекинување на препишаната терапија за одредена состојба или заболување порано отколку што треба, може да има сериозни здравствени последици.
Овој вид на „непослушност“ е особено карактеристичен за старите лица, самците и лицата со понизок степен на образование, предупредуваат стручњаците од Медицинскиот центар во Денвер, по направеното истражување.
Во студијата биле вклучени 1 521 испитаник и утврдено било дека секој осми пациент доживеал срцев удар во рок од еден месец по напуштање на болницата, бидејќи на своја рака престанал да ги зема препишаните лекови.
Во однос на дисциплинираните пациенти, недисциплинираните болни имале тројно поголем ризик во период од една година да доживеат смрт, нагласуваат стручњаците.
