Пациентите со коронарен стент може да имаат корист од генетско тестирање за да се утврди дали имаат мутација на генот CYP2C19, кој е одговорен за намалување на ефикасноста на антитромботикот клопидогрел, кој обично се дава на пациенти со вграден коронарен стент, покажала новата студија, објавена во „Circulation: Genomic and Precision Medicine“.
Имено, кај пациенти со мутации во генот CYP2C19, клопидогрел не се метаболизира на задоволителен начин. Инаку, наведената генетска мутација ја имаат околу 2 процентa бели луѓе.
Доколку пациентите со оваа мутација земат заменски антитромбик, тогаш имаат помала веројатност дека ќе имаат или ќе умрат од срцев удар, мозочен удар или други поголеми компликации во рок од една година по имплантација на стентот.
Резултатите од оваа студија укажуваат на тоа дека генетското тестирање може да им помогне на пациентите со коронарни стентови да ги избегнат компликациите.
