Сензори кои детектираат хемиски соединенија во здивот на пациентот, може со голема точност да препознаат хемиски сигнали на карцином и да ги разликуваат од останатите желудочни проблеми, како гастритис, покажала најнова заедничка студија на научници ос Кина и од Израел.
Во тестирањето на здивот на пациентите, уредот со 90% точност дијагностицирал рак во различни стадиуми.
“Овие резултати може да претставуваат крај на болната ендоскопија и гастроскопија на кои се подложуваат пациентите“, изјавил водачот на студијата проф. Хосам Хаик од израелскиот Институт за технологија.
Тој објаснува дека наноматеријалот во тестот на здивот претставува револуција во дијагностицирањето на еден од најопсните и најагресивни форми на ракот.
“Ракот на желудник има мала стапка на излекување, оти најчесто предоцна се открива, а една од причините за одложување на прегледот е поради непријатните испитувања кои опфаќат ставање црево низ уста до желудникот на пациентот“, вели проф. Хаик.
