Истражувачите од Универзитетот во Ајова сметаат дека дејството на мастите на мозокот може да се детектира со согледување на влијанијата на масните клетки на крвните ќелии вклучени во имунолошкиот систем. Претходни студии откриле врска меѓу дебелината кај луѓето на средна возраст и на постари години и полошите способности за размислување, пишува во магазинот „Brain, Behavior and Imunitet“. Во ова истражување научниците сакале да дознаат повеќе за тоа како различните видови телесни масти влијаат на она што е познато како флуидна интелигенција или способност за решавање на проблемите во нови ситуации.
Во истражувањето учествувале преку 4000 мажи и жени од Велика Британија, на просечна возраст од 64 години. Во период од шест години, на секои 2 години истражувачите бележеле информации за учесниците, вклучувајќи ја нивната крвна слика и нивото на интелигенција.
Откриле дека жените со помала мускулна маса имаат подобри резултати на флуидна интелигенција со текот на времето. Меѓутоа, поголемото ниво на телесни масти било поврзано со падот на интелигенцијата и кај жените и кај мажите. Кај двата пола, падот е поврзан со помал број бели крвни зрнца кои се дел од имунолошкиот систем.
Студиите покажале дека повисокиот индекс на телесна маса би можел да покрене промени во имунолошкиот систем кој влијае на мозокот, а ќе предизвика и проблеми во размислувањето.
Брендон Клиниденс, студент на докторски студии по невролошки науки на Универзитетот Ајова, објаснил дека вежбањето е важно за жените во средни и постари години, кои во просек имаат помала мускулна маса од мажите.
Клиниденс рекол дека не е јасно дали овие откритија можат да се применат за спречување на развојот на Алцхајмерова болест со која живеат околу 5,8 милиони Американци, и дека е потребно да се направат подлабоки истражувања.
Порано годинава, при истражување направено над глувци, посебен тим научници на Јејл открил дека исхраната која содржи високо ниво на јаглехидрати и масти менува дел од мозокот кој го контролира метаболизмот.
