Редовните шопинзи, кои резултираат со непотребни трошоци, може да бидат многу повеќе од недостаток на контрола, предупредуваат стручњаците.
Токму поради тоа, се смета дека зависноста од купување, позната и како ониоманија или компулсивно пореметување за купувањето, треба да се прогласи за ментална болест.
Неодамнешна студија при Медицинската школа во Хановер открила дека седум отсто од возрасните лица покажале некој вид на компулсивен проблем поврзан за купувањето, а овој број во последните две децении расте во Америка и Европа.
Заклучено е дека постои потреба за поголемо разбирање и препознавање на оваа опасна состојба.
Време е, нагласуваат стручњаците, да го препознаеме шопинг пореметувањето, како одвоена ментална состојба. Тоа ќе помогне во развојот на бројни методи при дијагнозата и лечењето. Пред да се донесе службена дијагноза, потребно е да се направат повеќе квалитетни истражувања.
Оние кои патат од оваа состојба, како поттик често го наведуваат нагонот за трошење или анксиозност која може да се ублажи само со купување. Таквите лица купувањето го користат и како бегство од негативните емоции.
Пореметувањето може да се развие без оглед на имотната состојба, а артиклите кои ги купуваат не се секогаш скапи.
