Прекумерниот внес на сол може да го зголеми ризикот од често пореметување на срцевиот ритам, атријална фибрилација, укажува нова студија. Атријалната фибрилација се карактеризира со брз, неправилен атриски ритам кој може да доведе до создавање на крвни згрутчувања и други компликации. Познато е дека атријалната фибрилација го зголемува ризикот од мозочен удар, а во ретки случаи може да доведе и до затајување на срцето.
Резултатите од ова истражување покажале дека консумирањето на сол, независно од останатите ризик фактори е поврзано со ризикот од атријална фибрилација.
Се смета дека лицата кои се изложени на поголем ризик од атријална фибрилација може да имаат корист доколку го ограничат внесот на сол преку исхраната.
Ризикот од атријална фибрилација се зголемува со годините, па атријалната фибрилација се јавува кај околу седум од 100 лица на возраст од над 65 години.
