Истражувањето кое следело 117.000 возрасни лица на возраст од 35 до 70 години покажало дека лицата кои спијат подолго од препорачаното, се изложени на поголем ризик од кардиоваскуларни болести и смрт.
Степенот на кардиоваскуларни болести (како мозочен удар или затајување на срцето) и смртноста изнесувале 7,8 на 1000 меѓу испитаниците кои спиеле препорачани шест до одум часа во текот на ноќта, 8,4 на 1000 кај испитаници кои спиеле осум до девет часа, 10,4 на 1000 испитаници кои спиеле девет до десет часа и 14,8 на 1000 испитаници кои спиеле над 10 часа во текот на ноќта.
Интересно е дека степенот на кардиоваскуларни болести кај испитаниците кои спиеле помалку од шест часа во текот на ноќта изнесувала 9,4 на 1000.
Се претпоставува дека за зголемениот ризик од кардиоваскуларни болести и смрт кај лицата кои спијат повеќе од препорачаната количина, е всушност одговорен здравствениот проблем кој е и всушност причина за продолжено спиење.
Исто така, се покажало дека дремењето во текот на денот е поврзано со зголемениот ризик од кардиоваскуларни болести кај лицата кои навечер спијат повеќе од шест часа.
