Истражувањата кои се спроведени во Финска укажуваат на тоа дека лицата кои посетуваат сауна имаат помали шанси да развијат срцеви болести. Посети на сауна од четири до седум пати неделно може за половина да го намалат ризикот од кардиоваскуларни болести.
Но, пред да одите во сауна, потребно е да се посоветувате со лекар, бидејќи не може сите на ист начин да реагираат на овој вид рекреација. Советите од лекарот ќе ви помогнат на најдобар начин да ги искористите предностите на сауната.
Истражување во кое учествувале 2.315 мажи на возраст помеѓу 42 и 60 години, покажало дека оние што одат два до три пати неделно во сауна, го намалуваат ризикот од срцеви заболувања за 23%.
Уште од античко време е познато дека препотувањето и вдишувањето на топлина, позитивно влијае на организмот и ја подобрува психофизичката состојба. Сауната ги опушта мускулите, ја подобрува циркулацијата и го стимулира производството на хормоните на задоволство.
Преку потењето се исфрлаат штетните материи од телото, кожата и внатрешните органи се чистат, а се намалува стресот и се подобрува сонот.
