Препознавањето на симптомите на депресија и барањето помош што порано ги зголемува шансите за соочување со оваа состојба, подобрување на состојбата и целосно опоравување.
Депресијата не е само чувство на намалено расположение. Ако сте депресивни, чувството на тага и општ недостаток на мотивација одвреме-навреме се поинтензивни, а состојбата може да трае со недели или со месеци. Чувствата стануваат толку интензивни да го попречуваат начинот на размислување и однесување и влијаат на секојдневниот живот.
На депресијата не мора да и претходи никакво случување, може да дојде сама од себе.
Но во многу случаи може да биде иницирана од значајни животни случувања, особено такви поврзани со губиток. Не само на блиска личност или партнер, туку и на губење на работа, на здравје, на самостојност, губење на социјален и друштвен статус…
Таквите ситации може да доведат до намалено расположение, безволност, чуство на празнина, иако не секој кој ќе доживее такви чувства треба да развие депресија. Важно е да се биде свесен како оваа ситуација може да биде тригер за депресијата. Во состојба кога се поминува низ тежок период или период на чувство на тага, треба да се побара помош шо е можно побрзо. На тој начин може да се спречи да нормалната реакција на тага или одредена промена во животните околности, премине во депресија.
Доживувањето на наведените симптоми во поголем период од денот во последниот месец, зборува за потреба од барање на помош:
- Постојано присутен замор;
- Пореметување на спиењето;
- Губење на апетитот или прејадување;
- Промена на телесната тежина во краток период, слабеење или дебелеење;
- Чувство на физичка болка;
- Немање волја и неможност за уживање во нештата во кои претходно сте уживале;
- Изолација од луѓе, особено блиски;
- Отпор кон вообичаените активности;
- Чувство на вина;
- Неможност за концентрација;
- Чувство на тежина;
- Суицидни мисли.
Доколку симптомите траат подолго од еден месец, пожелно е да се побара стручна медицинска помош.
