Црниот дроб е исклучително важен за варење на храната и чистење на организмот од токсини. Болестите на црниот дроб можат да бидат наследни, а исто така предизвикани од различни фактори како што се: прекумерна употреба на алкохол, прекумерна телесна тежина, дијабетес, незаштитен секс или изложеност на хемикалии и токсини.
Ако проблемите не се лекуваат, тие може да доведат до сериозни оштетувања на црниот дроб, па дури и да престанок на функционирање, што е состојба опасна по живот. Раната дијагноза и раното лекување може да му помогнат на црниот дроб да се опорави и да спречи сериозни проблеми.
СИМПТОМИ НА ЗАБОЛУВАЊА НА ЦРНИОТ ДРОБ
Болестите на црниот дроб не секогаш покажуваат симптоми и знаци кои би ги откриле, но доколку се појават, тие вклучуваат:
- Болка во стомакот
- Отекување на нозете и глуждовите
- Чешање на кожата
- Темна боја на урината
- Светла столица
- Хроничен замор
- Мачнина и повраќање
- Губење на апетит
- Честа појава на рани и модринки
- Жолтеникава боја на кожата и белките на очите
КОГА ДА СЕ ПОСЕТИТЕ ЛЕКАР?
Закажете преглед кај лекар доколку имате честа појава на симптоми и тие не исчезнуваат и ве загрижуваат. Ако болката во стомакот е силна и не можете да ја смирите, веднаш контактирајте го вашиот лекар.
КАКО ДА ГО ЗАШТИТИТЕ ЗДРАВЈЕТО НА ЦРНИОТ ДРОБ?
- Одржувајте здрава телесна тежина
- Јадете здраво
- Вежбајте
- Избегнувајте токсини
- Алкохол во умерени количини
- Не делете лични предмети за хигиена
- Практикувајте безбеден полов однос
- Мијте ги рацете
- Лековите користете ги како што ве советувал лекарот
- Вакцинирајте се
Без правилно функционирање на црниот дроб, токсините ќе се акумулираат во телото и ќе бидат штетни за нашето здравје. Избегнувајте заболувања на црниот дроб водејќи сметка за квалитетна исхрана, хидратација и редовна физичка активност.
