Со оглед на тоа дека штитната жлезда произведува хормони Т4 и Т3 кои преку крвта доаѓаат во сите клетки на телото и ја регулираат нивната работа, симптомите на болестите на штитната жлезда се многу разнолики и индивидуални. Еве ги најчестите:
ЗАБРЗАНА РАБОТА НА ШТИТНАТА ЖЛЕЗДА
Доведува до забрзана работа на срцето, па пациентите имаат тахикардија (срцето им чука, пулсот се зголемува на 100/мин). Може да се забележи и неправилна работа на срцето во смисла на прескокнување, како и болки и вознемиреност во градите. Забрзаната дигестија доведува до пролив и нагло слабеење, пациентите, вели прим. д-р Миодраг Лачиќ, специјалист по нуклеарна медицина, знаат да ослабнат и по 10 килограми во еден месец, иако истовремено јадат големи количини храна. Се јавува општ немир со треперење на целото тело, особено на рацете.
Пречки во видот, од матен вид, до двојни слики, се до појава на чувство како очите да ќе излезат надвор, а во најтешките состојби не можат да се затворат веѓите и очите се сушат. Се јавува и пореметено спиење, со тешко заспивање и постојано будење.
Симптоми се и:
- Паѓање на косата и останати влакна (веѓи, трепки)
- Појава на нередовни менструални крварења, послаба плодност кај жените
- Психичка растресеност со појава на анксиозност и фобии, неможност за долготрајна концентрација
- Главоболка
- Промени на кожата и ноктите
- Пречки во вратот, чувство на “кнедла“, отежнато голтање, пречки во дишењето
ЗАБАВЕНА РАБОТА НА ШТИТНАТА ЖЛЕЗДА
Доведува до забавување на целиот организам, и се јавува поспаност, замор ии по добро преспиена ноќ, пад на концентрацијата, добивање на телесна тежина, задржување на вода во телото, отоци на капаците и на рацете, пораст на крвниот притисок, чувство на забрзана работа на срцето во мирување, запек.
Проблемите со либидото и послабата плодност, исто така се поврзуваат со болестите на штитната жлезда.
Присутна е и појава на:
- Нередовни менструации
- Губење на на либидото, промени на расположението, опаѓање на интелектуалните функции, депресија, анксиозност, фобија
- Опаѓање на косата
- Главоболка
- Промени на ноктите и на кожата
- Трнење во телото
- Промени во видот
