Габичната инфекција настанува поради зголемениот број на габички на кандида, кои може да се наоѓаат во вагината без да предизвикаат инфекција. Може да ја предизвика и нешто што во вагината ги уништува нормалните бактерии кои таму се наоѓаат, како антибиотици, вишок влага или лош материјал на долната облека.
ПЕТ СИМПТОМИ НА ГАБИЧНА ИНФЕКЦИЈА
Често габичната инфекција се заменува со некое друго вагинално заболување, па добро е да се запомнат симптоми кои откриваат дали се работи за овој вид на инфекција, со цел навреме да се започне со лекување.
- Црвенило, пецкање или отекување на вагината
- Печење и чувство на притисок при мокрење
- Болка при сексуален однос
- Сувост на вагината
- Густ бел исцедок
КАКО ДА ПРЕПОЗНАЕТЕ КОМПЛИКАЦИИ?
Може да се препознаат според овие симптоми:
- Црвенилото е интензивно, а чувството на пецкање и чешање ве излудува и се појавиле и ранички
- Инфекцијата ја добивате 3-4 пати во годината
- Инфекциите се предизвикани од атипични габички
- Бремена сте
- Не го контролирате дијабетесот
- Имуниот систем ви е ослабен, поради одредени лекови или друга инфекција
- Лекар посетете ако прв пат имате симптоми на габична инфекција, ако не сте сигурни што ви се случува или ако сте развиле и дополнителни симптоми.
