Луѓето заболени од деменција имаат потешкотии со помнењето и лошо расудувње на животните ситуации. Раното дијагностицирање на деменцијата може да доведе до подобар третман на болеста, предупредуваат лекарите, па затоа е исклучително важно навреме да се забележат и препознаат симптомите.
“Се проценува дека околу 55 милиони луѓе во светот моментално страдаат од Алцхајмерова болест и други причини за деменција, а се проценува дека до 2030 година овој број ќе се зголеми на 78 милиони, а до 2050 година на 139 милиони луѓе“, вели Ендрју Бадсон, лекар, ендокринолог. Експертите предупредуваат на првите симптоми кои можат да откријат дека е време за посета на лекар.
НЕ МОЖЕТЕ ДА УЧЕСТВУВАТЕ ВО НОРМАЛЕН РАЗГОВОР, НИТУ СЕ СНАОЃАТЕ ВО ВРЕМЕТО И ПРОСТОРОТ
Д-р Јакоб Хаскаловичи, експерт за когнитивно здравје, истакнува дека во овие моменти лицето често ќе бара начини да се оправда, но ако забележите дека често ви се случуваат такви ситуации, дека не можете да присетите на вообичаени фрази или немате концентрација, може да се работи за симптом на деменција.
Д-р Томи Мичел, експерт за проблематиката на деменција, наведува дека се работи за честа когнитивна болест на старите луѓе, а симптомите можат да бидат тивки и нелесно препознатливи за пријателите и семејството. Но, еден од првите знаци на деменција е неможноста да се следи датумот и времето, како и проблемите со учеството во комуникацијата. Ако ги забележите овие промени во однесувањето, посетете лекар.
СЕ ГУБИТЕ НА ПОЗНАТИ МЕСТА И НЕ МОЖЕТЕ ДА ГИ ЗАВРШИТЕ РУТИНСКИТЕ ЗАДАЧИ
Според д-р Хаскаловичи, деменцијата може да влијае на навигациските способности, што значи дека може да се изгубите на места што многу добро ги познавате, како што се црква, локална продавница или куќа на некој пријател. Многумина ќе одмавнат со раката на овој проблем, но важно е да се запамети дека се работи за први симптоми на деменција, кои доколку се забележат навреме може да го забават развојот на самата болест.
Деменцијата може да влијае и на краткорочното помнење кога станува збор за решавање на секојдневните проблеми, па ако забележите дека некој од вашето блиско семејство има такви проблеми, советувајте го да оди на лекар за да се процени состојбата.
ЗАБЕЛЕЖУВАТЕ ПРОМЕНИ ВО РАСПОЛОЖЕНИЕТО, ВОЗНЕМИРУВАТЕ СТЕ, ДЕПРЕСИВНИ ИЛИ АПАТИЧНИ
Д-р Мичел вели дека промените се вообичаени како што старееме, но тие можат да бидат и симптом на деменција. Ако забележите промени во расположението и се јавува депресија или анксиозност, тоа може да биде деменција. Еден од првите симптоми на деменција се јавува во форма на потешкотии во планирањето, завршувањето на познатите задачи и бараат преглед од лекар за да се забави прогресијата на симптомите, што ќе ви овозможи да живеете поквалитетен живот. Апатијата е состојба на незаинтересираност и може да се прочита по нечие однесување, а кај постарите лица може да биде и сигнал за деменција. Секоја од горенаведените промени бара лекарски преглед, бидејќи и во овој случај раната дијагноза е клучот за подолг и поисполнет живот.
