Шансите вие или некој кого го познавате да има покачен холестерол се големи, но со оглед дека често не го откриваат симптоми, не е состојба за која многумина размислуваат, а сепак би требало. Ако не се лекува, може секако да доведе до големи проблеми, а особено кога е во прашање здравјето на кардиоваскуларниот систем, што денес е водечка причина за смртност во светот, па и во земјава.
Холестеролот е познат како ризик фактор за појава на атеросклероза и кардиоваскуларни болести. Меѓутоа, тоа е и материја која не неопходна за добро функционирање на организмот. Холестеролот е присутен во секоја жива клетка на луѓето, бидејќи е есенцијален метаболите, а најмногу го има во намирниците од животинско потекло. Составен дел е од клеточните мембрани, учествува во метаболните процеси во размената на материи, служи за синтеза на хормоните на надбубрежните жлезди и половите хормони, како и на витамините растворливи во масти, како и за синтеза на витаминот Д. Прекурсор е за жолчната киселина која служи во варењето и апсорпцијата на мастите. Ако вредностите на холестеролот се зголемени, стануваат ризик фактор за развој на кардиоваскуларни болести.
Прекумерната телесна маса и обезноста исто така може да го зголемат ризикот од развој на “лошиот“ ЛДЛ холестерол. Останати фактори на начинот на живот кои може да придонесат за висок холестерол се неактивноста и пушењето. Генетиката исто така може да влијае на шансите за развој на висок холестерол.
Гените се пренесуваат од родителите на децата. Одредени гени му кажуваат на вашето тело како да ги процесира холестеролот и мастите. Ако вашите родители имаат висок холестерол, можеби сте изложени на поголем ризик и вие да го имате. Други здравствени состојби, како што се дијабетес и хипотироидизам, исто така може да го зголемат ризикот од развој на висок холестерол и поврзани компликации.
ПОКАЧЕНИОТ ХОЛЕСТЕРОЛ ПОНЕКОГАШ МОЖЕ ДА ГО ОТКРИЈАТ СИМПТОМИ
“Кога ќе дојде до таложење на холестеролот, понекогаш може да се види на вашата кожа, на лицето, а може да дојде и до проблеми со крвниот притисок. Ако нивото на холестерол не се мери, овие симптомите може да поминат незабележани. Важно е да се направат сите тестови во лабораторија за да се процени состојбата“., објаснува д-р Илан Шапиро.
Според зборовите на д-р Ерик Берг, кој е експерт за контрола на тежината преку нутриционистички методи, високиот холестерол често не го откриваат симптоми, а во повеќето случаи ќе дојде до проблеми само кога ќе треба да се обратите кај лекар за помош. Бидејќи високиот холестерол не предизвикува симптоми во раната фаза, важно е да внимавате на сите аспекти од животот, да се храните здраво, да бидете активни и редовно да го контролирате нивото на холестерол. Ако наодите откријат дека нивото сè уште не е толку високо, промените во животните навики можат да помогнат да се врати на нормално ниво. Но, ако не се контролира долго време, може да ги оштети артериите. Лекарите наведуваат дека токму поради оваа причина е важно да бидеме проактивни и да го следиме нивото на холестерол и да внимаваме што јадеме и колку се движиме. Но, без оглед на вредностите на холестеролот, никогаш не е доцна да се вложи во контролата на холестеролот.
Повеќето луѓе треба да се стремат кон ниво на ЛДЛ под 3,4 mmol/L (130 mg/dl). Ако имате други фактори на ризик за срцеви заболувања, вашиот целен ЛДЛ треба да биде под 2,6 mmol/L (100 mg/dl).
Рани симптоми кои можат да откријат покачен холестерол се:
- Отекување на долниот дел на нозете и зглобовите
- Отекување на стапалата или дланките
- Чувство на тежина во нозете
- Болка во листовите и бутовите
- Чувство на печење во горниот дел на стомакот, особено откако ќе јадете нешто масно.
