Габичната инфекција предизвикува иритација, исцедок и интензивно чешање на вагината и вулвата. Во одреден период од животот ја имаат многу жени, дел од нив најмалку два пати се сретнале со неа, а дел никако не успеваат да се ослободат од габичната инфекција.
Најчестите симптоми на габични инфекции се:
- Чешање и иритација на вагината и вулвата,
- Чувство на печење особено за време на сексот или за време на мокрењето,
- Црвенило и оток на вулвата,
- Вагинална болка,
- Вагинален осип,
- Вагинален исцедок.
Симптомите на комплицирани габични инфекции вклучуваат:
- Сериозни симптоми како што е силно црвенило, оток и чешање што доведува до рани или чиеви,
- Четири или повеќе габични инфекции годишно,
- Инфекција предизвикана од други видови кандида, освен од Candida albicans,
- Бремени сте,
- Имате дијабетес кој не го контролирате,
- Имунолошкиот систем ви е ослабен поради одредени лекови или состојби како ХИВ.
Кога габичната инфекција е причина за посета на доктор?
Побарајте лекарска помош ако:
- Ова е прв пат да имате симптоми на инфекција,
- Не сте сигурни дали имате габична инфекција,
- Симптомите не исчезнуваат ниту после лекувањето,
- Имате и други симптоми.
Кога се јавува габична инфекција?
При употреба на антибиотици
Габичните инфекции се чести кај жените кои користат антибиотици. Широкиот спектар на антибиотици убива голем број бактерии, па така страдаат и здравите бактерии во вагината.
Зголемено ниво на естроген
Габичните инфекции се почести кај жени со зголемено ниво на естроген. Ова може да бидат жени кои се бремени или оние кои земаат високи дози на естрогенски контрацептивни пилули или терапија со естрогени.
Дијабетес кој не е под контрола
Жените со дијабетес кои не го контролираат нивото на шеќер во крвта имаат поголем ризик од габични инфекции.
Ослабен имунолошки систем
Жените кои имаат ослабен имунолошки систем поради терапија со кортикостероиди или ХИВ-инфекции имаат поголема веројатност да добијат габична инфекција.
Сексуална активност
Иако габичните инфекции не се сметаат за сексуално преносливи инфекции, сексуалниот контакт може да доведе до зараза.
