Со оглед на тоа дека децата спаѓаат во една од најзагрозените категории кога е во прашање грипот, мошне е важно навреме да ги препознаете симптомите и да побарате лекарска помош пред да дојде до посериозни компликации. Најголемата опасност од грип демне во ноември и март.
Ова се некои од најчестите симптоми кои се јавуваат кај децата:
Температурата е еден од најчестите симптоми, иако таа понекогаш може да изостане; потоа кашлицата, воспаленоto грло, течење на носот, болка во телото и мускулите, главоболка, замор, а понекогаш и повраќање и дијареја. Симптомите може да варираат дури и во самото семејство. Така, додека едно дете повраќа и има дијареја, другото може да има висока температура и да кашла.
Од друга страна, и настинката може да има слични симптоми, но тие се развиваат постепено така што неколку дена детето може да има температура, понекогаш да зарипне или да го загуби гласот, но генерално се чувствува добро. Настинката трае 7 до 10 дена, а понекогаш и цели 2 недели додека не се исфрли целата содржина од носот. Грипот доаѓа ненадејно и прави да се чувствувате како да ве згазил камион. Ама буквално. Температурата трае 5 до 7 дена и сите симптоми доаѓаат одеднаш.
За жал, лек против грипот не постои, туку во негата се препорачуваат многу течности, одмор, лекови за симнување на температурата и многу витамини. Но со децата никогаш не сте сигурни во целост.
Некои луѓе имаат поголем ризик да заболат од грип и имаат компликации, па затоа е важно да се побара лекарска помош. Тоа ги вклучува и децата. Оние кои се подебелки или имаат некое хронично заболување како што се астма, дијабетес или срцева болест, бараат посебно внимание.
Доколку детето нема некоја од наведените болести, причина за одење на лекар треба да бидат проблеми со дишењето, промена на бојата на кожата, дехидратација, замор, иритираност, температура со треска… Појдете на лекар и ако забележите дека детето плаче, но без солзи. И да, најдобра заштита од грип е превенцијата.
