Опасноста од зараза со КОВИД-19 е еднаква за сите мажи, жени и деца во светот. Како болеста не некого ќе влијае по инфицирањето, зависи од бројни фактори, меѓу кои и оние кои науката се уште не ги разбира.
Зошто некои заболени, па дури и повозрасни, имаат малку или воопшто немаат вообичени симптоми? Зошто некои, иако млади и здрави, брзо колабираат, доживуваат цитокинска олуја и умираат? Зошто ретка подгрупа на деца неколку недели по опоравување од КОВИД-19 се соочува со смртоносна болест слична на токсичен шок кој се нарекува “синдром на мултисистемско воспаление кај децата“?
На овие прашања научниците се уште немаат одговор. Како што се уште се чини, возраста на пациентот игра важна улога и повозрасните лица се најчувствителни, што веројатно е последица на послаб имун систем и хронични болести.
Една работа е комплетно јасна, а тоа е дека најголем ризик од тешка болест и смртен исход имаат лица кои веќе страдаат од некои основни болести, а на тој список се дијабетес, хронична болеста на белите дробови или астма, кардиоваскуларни болести, рак (или пациенти на хемотерапија), трансплантација на органи, болест на српестите клетки, бубрежна болест кај која е потребна дијализа, слабо контролирана инфекција со ХИВ, како и било кое друго автоимуно пореметување или индекс на телесна маса поголем од 30, што се смета за обезност (дебелина).
Значи, без оглед на возраста, под поголем ризик сте ако имате некој осбовен здравствен проблем.
На почетокот на пандемијата, не се сметало дека КОВИД-19 претставува поголем ризик за идните мајки, плодот или новороденчето, но научниците подоцна открија дека и бременоста е ризичен период.
Американскиот центар за контрола и превенција на болести, бременоста на листата на главни ризик фактори ја впиша по студија која утврдила голема веројатност дека заразени трудници ќе бидат хоспитализирани, примени во болница на интензивна медицинска нега и ќе бидат приклучени на респиратор.
“Кај бремените жени се покажа дека 50 проценти поголема веројатност дека ќе бидат примени на одделите за интензивна нега и 70 проценти поголема веројатност дека ќе бидат приклучени на респиратор“, вели д-р Сара Оливер од Националниот центар за имунизација и респираторни болести во САД.
