ГУБЕЊЕ НА СЕТИЛОТО ЗА МИРИС И ЗА ВКУС
Американскиот центар за контрола и превенција на болести, овој необичен симптом неодамна го додаде на својата листа на најважни знаци кои укажуваат на КОВИД-19. Може да се појави без било какво претходно предупредување, па дури и без затнување на носот.
“Се чини дека аносмијата, што во основа значи губење на мирисот, е симптом кој го развија голем број пациенти“, вели д-р Сања Гупта, главен медицински известувач на Центарот.
Преовладува во благи или умерени случаеви и има тенденција да се појавува на почетокот на болеста и се смета дури и за еден од првите сигнали на КОВИД-19.
“Аносмијата е посебно воочена кај пациенти кои се позитивно тестирани на коронавирусот, без никакви други симптоми“, наведува Американската академија за оториноларингологија и хирургија на главата и вратот.
Било кој респираторен вирус, како настинка или грип, повремено влијае на мирисот и на вкусот, а во ретки случаи, губењето на ова сетило може да биде и трајно.
“Губењето на тие сетила не е конечна дијагноза за КОВИД-19, но јасно е дека на нив треба да се внимава, оти понекогаш тие рани симптоми не се класични“, вели д-р Гупта.
Губењето на осетот за мирис може лесно да го тестираме и сами со помош на гумени бомбони. Ако мирисите од задниот дел на устата доаѓаат до назофаринксот (горен дел на ждрелото) и носната шуплина, и може да разликувате вкусови како портокал или лимон, сетилото за мирис добро ви функционира.
КОВИД ПРСТИ И КРВНИ ЗГРУТЧУВАЊА
Отечени црвени или виолетови ножни прсти на прв поглед се чинат како смрзнатини, но станува збор за уште еден необичен начин како КОВИД-19 делува на телото.
Што всушност се случува? Вирусот создава ситни крвни згрутчувања во најмалите крвни садови во стапалата. Стручњаците не гледаат причина за паника во обоените прсти, туку ги загрижува откритието дека КОВИД-19 ја згрутчува крвта по целото тело.
Крвни згрутчувања или тромбови со различни големини, лекарите пронаоѓале по целото тело, дури и кај млади и здрави лица. Тие згрутчувања често се наоѓаат во екстремитетите, од каде може да стигнат во белите дробови, срцето, бубрезите и црниот дроб. Кога ќе стигнат во некои од овие органи, предизвикуваат воспаление, имунолошки компликации, па дури и смртонсони или послаби мозочни удари и белодробна емболија.
“Се чини дека вирусот создава локален воспалителен одговор кој доведува до некои тромботички случувања. Тоа се случува поради директното делување на вирусот на самите артерии“, вели д-р Шон Вангертер, шеф на одделот за васкуларна хирургија во болницата Health’s Good Samaritan.
Знаците на потенцијално крвно згрутчување во екстремитетите вклучуваат необична мекост или болка, црвен или син тонус во тоа подрачје, топлина, чешање или грчеви во долниот дел на потколеницата или нозете. Болка во градите, вртоглавица, шпотешка кашлица или отежаното дишење може да бидат знак дека тромобот се преместил во белите дробови или во срцето.
РОЗЕВО ОКО
Претходни истражувања од Кина, Јужна Кореја и други делови во светот откриле дека од 1 до 3 проценти од заболените со КОВИД-19 имаат конјуктивитис, познат и под името розево око.
Оваа многу заразна состојба предизвикана од вирус е воспаление на тенкиот проѕирен слој на ткивото кое се нарекува којнуктива, кое го покрива внатрешниот дел на очниот капак и белиот дел од окото.
Бројни вируси може да предизвикаат конјуктивитис, па научниците не останале изненадени со сознанието дека истото може да го направи и SARS-CoV-2. Но, розевото или црвено око може да биде дополнителн сигнал да се јавите кај својот лекар, особено ако имате и други симптоми како температура, кашлица и краток здив.
