Научниците секојдневно работат на разоткривање на мистериите поврзани со овој сериозен напаѓач, а сознанијата кои во меѓувреме ги собраа за самиот вирус и болеста КОВИД-19 што ја предизвикува, се разликуваат од оние од почетокот на избивањето на глобалната пандемија во март.
“Сега знаеме повеќе за тоа како се разболуваат луѓето заразени со вирусот SARS-CoV-2“, вели д-р Влијам Шафнер, професор за превентивна медицина и заразни болести на медицинскиот факултет при Универзитетот Вандербилт.
Треска, кашлица и краток здив се уште се клучните показатели кои упатуваат на болеста КОВИД-19, но стручњаците во меѓувреме открија и други знаци на предупредување кои сигнализираат на инфекција со коронавирус. Некои имитираат најобична настинка, други пак се огледало на грип, а неколку од нив се навистина бизарни.
“Во меѓувреме дознавме и за Ковид прсти, губење на сетилото за вкус и за мирис, а сфативме и дека може да предизивка делириум. Се уште не е целосно јасно како влијае на средишниот нревен систем, но јасно е дека некои од заболените имаат делириум“, вели проф. Шафнер и додава дека според Американскиот центар за контрола и превенција на болести, било кој симптом може да појави помеѓу два и 14 дена од изложување на вирусот, но дека праксата покажала дека знаците на болеста во поголемиот број на случаи се појавуваат во рок од една недела.
“Мислиме дека просечниот период на инкубација е пократок. Сега е тоа пет до седум дена, а понекогаш може да биде и подолг“, вели Шафнер.
АКО СИМПТОМИ ВООПШТО ПОСТОЈАТ
Уште една работа која во меѓувреме се искристализира е дека многумина од нас може да бидат асимптоматски ширители на вирусот.
Една третина и повеќе лица кои на тестирањата се покажуваат позитивни на новиот коронавирус, немаат симптоми или тие се многу благи па не ги забележуваат.
“Можеме да се чувствуваме совршено добро и да го водиме овој разговор седејќи на маса еден наспроти друг, а ниту јас вам можам да ви докажам дека немам вирус, ниту вие можете тоа да ми го докажете мене“, вели д-р Шафнер, додавајќи дека тоа е единственото објаснување зошто сите треба да носат маска.
И ова е уште едно сознание до кое е дојдено во меѓувреме, па за разлика од почетокот на пандемијата, сега се верува дека маските навистина можат да пружат заштита и на оној кој носи, и на другите.
“Многу е важно луѓето да го сфатат ова, оти се уште многумина веруваат дека не морат да носат маска ако не се болни“, вели лекарот и додава дека со оглед на новите сознанија е неразумно однесување.
НЕВООБИЧАЕНИ СИМПТОМИ
Кога прашањето би било која е таа болест која пронашла начин телото да ги нападне на најчудни и најразлични начини, одговорот сигурно би бил КОВИД-19. Се чини дека SARS-CoV-2 да продре до речиси сите важни органи во човечкото тело, а покрај тоа ја згрутчува и крвта, често на многу опасни начини, го напаќа сетилото за мирис, очите, па дури и кожата.
Нови ретки симптоми се појавуваат се повеќе, како расте бројот на заболени од КОВИД-19, па тешко е да се даде исцрпен список, но ние во наредни две продолженија се ви ги претставиме некои од бизарните симптоми кои би можеле да се појават како последица на зараза со коронавирус.
