Професорот Сафрон Витхед од една лондонска болница, смета дека метаболизмот сам по себе е мошне комплексен. Секоја личност има точно одреден облик на телото и тоа не е случајно. Одговорот лежи во хормоните. Исхраната и вежбањето се важни, но не и доволни за витка линија. Според неговите зборови, мали корекции можат многу нешта да сменат. Еве што би требало да сторите:
Голем задник и бутови
виновник: естрогенот
Можете да почнете да користите суплементи на база на соја за да го смените ова или да го намалите внесот на естроген. Многу е штетен, ако имате вишок естроген во телото. Исто така, нутриционистот Макс Томлинсон советува и појачана исхрана со витамин Е.
Потечени зглобови
виновник: прогестерон
Отечени ножни зглобови се знак дека задржувате течности во организмот. Недостатокот на прогестерон може да биде причина затоа што овој хормон делува како диуретик. Јадете семки од сончоглед, путер од кикиритки. Одбегнувајте индустриска храна и пијте доста течности.
Надуено лице
виновник: тироксин
Надуено лице значи дека имате премалку тироксин во својот организам. Внесете селен во исхраната преку таблети за почеток. Проверете ја комплетно работата на штитната жлезда, можеби постојат некои посериозни здравствени проблеми.
Стомак
виновник: кортизол
Нашите тела развиле систем за препознавање на опасностите и тогаш телото произведува кортизол, хормон на стресот.
„Кога телото препознава опасност создава маснотија околу црниот дроб и така имаме поголем стомак, а телото дополнителна енергија за да се брани”, вели д-р Гленвил, нутриционист и специјалист за здравјето на жените. Збогатете ја својата исхрана со минерали, предлагаат нутрционистите.
