Постојат многу нејаснотии поврзани со оваа состојба. Ендометриозата е состојба кога ткивото кое нормално расте во матката почнува да расте и надвор од матката. Во најголем број случаи ова ткиво се јавува околу органите во делот на карлицата. Ткивото кај ендометриозата се однесува како и ткивото внатре во матката: расте и се одвојува со секој циклус. Кај ендометриозата ова ткиво нема каде да излезе од телото и може да предизвика големи болки и да доведе со други компликации, вклучително и стерилитет.
Многу е направено за да се тргне културното табу поврзано за циклусите, но ссотојбата која е врзана за репродуктивното здравје и плодноста е нешто што предизвикува контроверза. Оваа состојба често тешко се дијагностицира, па пациентките трпат болки со години. Ендометриозата може да се јави со првата менструација, па така на жените им е нормално да трпат големи болки. Следната причина е таа што ендометриозата и болките се јавуваат во исто време како и циклусот, па жените се тешат дека за болките е виновна ментруацијата.
Симптомите на ендометриоза се јавуваат пред 30 година од животот и можат да подразбираат: обилни менструации, болни грчеви, болка за време на секс, болни движења на цревата и уринирање, болка во стомакот и долниот дел од грбот кои траат за време на циклусот, и тешкотии за зачнување. Доколку забележите некои од симптомите, појдете на лекар.
Се уште не е јасно зошто се јавува ендометриозата, но производството на естроген, гените и имунолошкиот систем имаа голема улога во ова. Постојат докази дека ендометриозата може да се пренесе од генерација на генерација. Ендометриозата може да се јави и подоцна во животот. Голем број од оние кои имаат дијагноза може да се лекуваат и со лапароскопска операција.
Стерилитетот е вообичаена компликација кај ендометриозата и може да предизвика многу стрес. Тоа може да се спречи доколку навреме се почне со лекување. Важно е да се препознаат симптомите и навреме да се побара помош.
