КОВИД-19, грипот и респираторниот синцицијален вирус (РСВ) оваа година се појавија истовремено и тешко е да се сфати кој симптом е предизвикан од која болест. Инфекциите, за жал, нудат слични симптоми, но сепак е важно да се разликуваат за навреме да се започне со лекување и да се спречи натамошното ширење на вирусот.
КОВИД-19 споделува некои симптоми со грипот, а тоа се температура, сува кашлица, болки во телото и замор, се наведува на страницата на Центарот за контрола и превенција на болести. Но, исто така, бројните симптоми на КОВИД се сменија и со новите варијанти, но и поради стекнатиот имунитет. Течење на носот, главоболка и болка во грлото сега се првите чести симптоми на болеста, а губењето на мирисот и вкусот станува се поретко. Грипот обично започнува со кашлица. Обичнаѕа настинка носи кивање, течење на носот и “воден“ поглед.
Лицата кои имаат грип ќе забележат симптоми неколку дена по инфекцијата, кај КОВИД ќе се развијат три до 4 дена по инфекцијата, но кај некои луѓе дури и 14 дена по инфекцијата.
РСВ, кој најчесто ги погодува децата и постарите лица, често предизвикува благи симптоми како кашлица или течење на носот, а закрепнувањето е брзо. Но, оваа состојба може да доведе и до бронхитис или пневмонија. Секако дека е важно да се тестирате за да се знае за кој вирус се работи, но постојат некои јасни симптоми кои можат да ви помогнат да откриете од што боледувате.
ПОЗНАТИ И ЧЕСТИ СИМПТОМИ НА КОВИД
Заболените пријавуваат цела низа симптоми, кои можат да се појават од 2 до 14 дена од моментот на инфекција. Еве кои се најчестите:
- температура, треска
- главоболка
- сува кашлица
- болка во телото и мускулите
- замор
- затнат нос, течење на носот
- воспалено грло
- тешкотии со дишењето, отежнато дишење
СИМПТОМИ НА ГРИП
Често се јавуваат неочекувани, а лицата кои се болни може да очекуваат да се појават некои од нив или сите:
- температура, треска
- главоболка
- кашлица
- болка во грлото или болки во мускулите
- замор
РЕСПИРАТОРЕН СИНЦИЦИЈАЛЕН ВИРУС (РСВ)
Во случај на РСВ, симптомите се појавуваат околу 6 дена по контакт со вирусот. Обично се работи за овие симптоми.
- температура
- главоболка
- кашлица
- затнат нос
- губење на апетит
- кивање
СИМПТОМИ НА ОБИЧНА НАСТИНКА
Симптомите обично го достигнуваат пикот три дена по контакт со вирусот, а вклучуваат:
- кашлица
- затнат нос што тече
- воспалено грло
- кивање
Можно е да се заразите со повеќе вируси истовремено, истакнува д-р Марк Гали од California Health and Human Services Agency, кој појаснува: “Треба веднаш да побарате лекарска помош доколку имате посериозни симптоми или ако мислите дека имате тројна инфекција. Овие симптоми се однесуваат на потешкотии со дишењето, постојана болка во градите, неможност за будење или промена на бојата на кожата или усните“.
