Мигрената е хронична болест која предизвикува повеќе непријатни симптоми. Тие можат да траат од четири часа до три дена, а кај жените се случуваат три пати почесто отколку кај мажите. Иако точните причини не се познати, научниците тврдат дека наследниот фактор игра многу важна улога. Кога станува збор за мигрена, добро е да знаете дека симптомите не се секогаш исти. Еве како можете да ја разликувате мигрената од обични главоболки.
Пулсирање во главата
Луѓето кои страдаат од мигрена често тврдат дека чувствуваат пулсирање чувство како главата да ќе им експлодира во секој момент.
Болка од едната страна
Кога имате мигрена, главата боли само на едната страна, класичната главоболка најчесто значи болка насекаде, а синусите обично се чувствуваат како притисок на образите, очите и челото..
Ви трепери пред очи
Кога имате мигрена, се намалува протокот на крв во мозокот и сѐ се забавува. Речиси 25 отсто од пациентите имаат визуелна аура пред или за време на мигрената. Визуелната аура предизвикува различни облици на искривен вид, вклучувајќи треперења, различни бои, блесоци на едната страна од видното поле или шарени цик-цак линии.
Слабост и трнење
Мигрените исто така може да се појават со сензорна аура што предизвикува вкочанетост, пецкање или слабост на едната страна од телото. Некои луѓе, исто така, имаат говорна аура и тешкотии во наоѓањето на зборови, што е слично на она што се случува за време на мозочен удар.
Гадење
Многу луѓе кои страдаат од мигрена чувствуваат гадење, вртоглавица и имаат потреба да повратат.
Зголемено чувство за мирис
Кога имате мигрена, мозокот станува возбуден. Сите чувства се изоструваат па подобрено се слушаат звуци, светла и мириси.
Не сте при себе дури и кога главоболката ќе престане
Луѓето кои имаат мигрена често се депресивни, нервозни или премногу еуфорични. Исто така, некои имаат големи проблеми со концентрацијата.
Го отежнува животот
Мигрената не е само главоболка, туку го попречува вашиот живот. Понекогаш болката е толку силна што мора да пропуштите еден работен ден.
Побрзо се заморувате
Во текот на сите фази на мигрена, може да се почувствувате преморени, па по мигрената обично треба да се одлежат најмалку еден или два дена.
Вкочанетост во вратот
Тригеминалниот нерв игра важна улога кај мигрената и кога ќе се активира, тој комуницира со главниот пат на болката во горниот дел на ‘рбетниот мозок. Кога овој центар е активиран, тој испраќа сигнали до мозокот, а може да испраќа и до вратот и да предизвикува болка.
Болката како да трае вечно
Мигрените може да траат од четири часа до три дена. Можете да ги имате неколку пати годишно, неколку пати месечно, па дури и неколку пати за половина месец.
