Време е на сезонски алергии, особено на амброзија која е еден од најсилните природни алергени. Освен амброзијата, тука се и останати треви и коров, како коприва и тегавец кои има прават проблеми на алергичните лица. Меѓутоа, како да ја препознаете разликата помеѓу симптомите на КОВИД-19 и сезонските алергии?
Ако во последно време често ве мачи засипнато, рапаво грло, како и затнат нос и синуси, сигурно сте помислиле дали можеби се работи за инфекција со коронавирусот. Особено поради фактот што се повеќе расте бројот на заразени лица поради високо преносливата и заразна делта варијанта на вирусот. Иако постојат симптоми по кои КОВИД-19 и алергиите можат да се преклопат и совпаднат, постојат и клучни разлики кои ќе ви помогнат да ја сфатите разликата.
КОВИД-19 и симптоми на алергија
Прво и најважно е да се знаат основните разлики помеѓу овие две состојби. Сезонските алергии се пикот на симптоми предизвикани од воспалителен имунолошки одговор и се случуваат кога телото претерано реагира на материи од околината, како полен или мувла – според Американсиот колеџ за алергии, астма и имунологија. Обично се јавуваат кога се опрашуваат растенијата – во текот на пролет, лето и есен.
КОВИД-19 е заразна болест, вирус кој може да предизвика потешкотии со дишењето или отежнато дишење, како што истакнува Центарот за контрола и превенција на болести на САД (ЦДЦ).
Д-р Кетлин Дас објаснува дека делта варијантата на коронавирусот е различна од останатите соеви по своите симптоми кои вклучуваат болка во грлото, течење на нос, температура и главоболка. Претходните соеви исто така ги имаа овие симптоми, но проследени со манина, повраќање, пролив, губење на мирис и кашлица, кои сега се многу поретки кај делта варијантата.
Токму симптомите на сезонските алергии се слични на овие што ги предизвикува делта сојот, а може да вклучуваат воспаление на грлото, затнат нос, течење на нос, кивање, чешање на очите, гребење на грлото. Исот така, ако се воспалат синусите, може да дојде до главоболка и губење на сетилото за мирис. А, поради зголемените нивоа на полен, алергичните лица и тоа како можат да ги почувствуваат сите тие симптоми – или барем некои од нив.
Д-р Дас посочува дека со доаѓањето на постудените денови може да се зголеми бројот на заразени и со грип, особено затоа што повеќе луѓе се враќаат на лични активности, како што се работа, училиште или патувања, за разлика од минатата година кога немаше вакцини и многу повеќе се одржуваше социјална дистанца.
Клучни разлики помеѓу симптомите на КОВИД-19 и сезонските алергии
Една од клучните разлики е покачената телесна температура. Значи, температурата може да биде поврзана со воспаление на синусите, но нема да биде присутна кај алергиите. Ова особено ќе го препознаете ако веќе знаете дека вашите сезонски алергии се совпаѓаат со одредено годишно време. Симптомите на очите – насолзени очи, чешање во очите – се почести знаци на алергија отколку коронавирусот, а тешко дека алергијата ќе доведе до отечени лимфни јазли или тешки респираторни проблеми.
Во секој случај, доколку се сомневате, консултирајте се со вашиот лекар или направете тест за КОВИД-19 за да потврдите точна дијагноза.
