Панкреасот е орган кој е сместен длабоко во телото зад желудникот со големина од 15 сантиметри, па промените на него тешко се видливи и се тешки да се почувствуваат. Исто така, луѓето се склони да ги игнорираат овие симптоми се додека ракот на панкреасот не се прошири на другите органи. Од тие причини многу е важно да се слуша телото и да се реагира кога организмот повеќе не работи како некогаш.
СИМПТОМИ
Жолтеникава боја на кожата и очите
Кога кожата и белиот дел во окото ќе попримат жолтеникава боја, тоа не е добар знак за организмот. Овој симптом може да укажува и на други заболувања, особено поврзани со функционирањето на црниот дроб. Причина за жолтилото е дека ракот на панкреасот обично почнува да се развива на неговата глава која е сместена во близина на жолчниот канал. Туморот врши притисок на овој канал, поради што тој не успева да ја пренесе течноста од црниот дроб и жолчното кесе, низ панкреасот до тенкото црево. Во ваков случај, билирубинот не може да се отстрани па доаѓа до негово зголемување и појава на жолтица и жолти очи.
Чешање
Појавата на прекумерно чешање по целото тело е ран знак што телото го испраќа во случај на жолтица и рак на панкреасот. Како билирубинот се трупа во крвта и во кожата предизвикува чешање и пред кожата да стане жолтеникава.
Темна боја на урината
Овој симптом исто така е поврзан со жолчката. Иако потемната урина може да биде знак на дехидрација, може да биде и прв знак на жолтица.
Надуеност
Надуеноста по обилен оброк или кај жените во предменструална фаза е сосема нормална појава. Но ако ваква состојба се појави одненадеж и трае со денови, тоа е причина за реакција. Не е нормално да се појави голем стомак. До ова доаѓа затоа што ракот на панкреасот расте и ги турка околните органи кои го растегнуваат стомакот.
Болки во стомакот без причина
Болката во стомакот е на листата на рани симптоми на овој карцином. Поради својата специфична положба, ракот на панкреасот може да предизвика болки во стомакот без некоја причина.
Губење на апетитот
Ако забележите дека малку јадете, не сте сити, или веќе не ве привлекува вашата омилена храна туку ви се јавува мачнина само при спомнување на јадење, побарајте лекарска помош. Кај ракот на панкреас недостатокот на апетит се јавува затоа што туморот почнува да го притиска желудникот кој од таа причина се јавува чувство на наполнетост иако желудникот е празен.
Слабеење
Ако изгубите повеќе од 5% од вкупната телесна тежина во рок од шест месеци, веднаш направете проверка на панкреасот.
Болка во долниот дел на грбот
Ако без посебна причина се јави болка во долниот дел на грбот, тоа е еден од симптомите за можен рак на панкреасот. Со оглед дека органите почнуваат да се туркаат, тие прават притисок на карлицата и на мускулите на грбот, предизвикуваат постојана тапа болка. Овој симптом особено се склони да го игнорираат жените кои ваква болка чувствуваат за време на месечниот циклус.
