Споменатото истражување покажало дека внесот на храна во кус период (од 6 часа) во текот на денот (како што се препорачува кај некои верзии на наизменично постење – режим на исхрана) и повремено прескокнување на вечерата може поволно да влијае на здравјето.
Кај учесниците во истражувањето кои се придржувале до овој режим на исхрана, забележани се помали напади на глад, како и зголемено согорување масти во текот на ноќта.
Сепак, авторите на студијата забележале и дека засиленото трошење масти во текот на ноќта не ја зголемило севкупната дневна потрошувачка на масти, па заради тоа не можеле да споделат повеќе заклучоци за влијанието на проучуваниот режим на исхрана на слабеењето.
Она што е интересно е дека учесниците во истражувањето не биле погладни од обично, иако храна не внесувале во текот на 18 часа секој ден, така што авторите на студијата сметаат дека практикувањето на овој тип исхрана би било безбедно и здраво да се применува неколку дена во неделата.
